اربوں روپے مالیت کے پلاٹس کی جعلی الاٹمنٹس، سی ڈی اے کے 5 افسران گرفتار

اسلام آباد (ڈیلی پاکستان آن لائن) ایف آئی اے اینٹی کرپشن سرکل اسلام آباد نے بڑی کارروائی کرتے ہوئے اربوں روپے کے پلاٹس کی جعلی الاٹمنٹس کے الزام میں سی ڈی اے کے پانچ افسران کو گرفتار کر لیا ہے۔

یہ بھی پڑھیں: وزیراعظم اور انکی ٹیم نے عوامی موقف سن کر نہروں کا مسئلہ خوش اسلوبی سے سلجھایا: وزیراعلیٰ سندھ

گرفتار ملزمان کی تفصیلات

نجی ٹی وی سما نیوز کے مطابق گرفتار ملزمان میں اصغر علی، راجہ شعیب ملال، تیمور احمد، عنایت اللہ اور آفتاب احمد شامل ہیں۔ یہ ملزمان سی ڈی اے میں اسسٹنٹ ڈائریکٹر اور ڈپٹی ڈائریکٹر کے عہدوں پر فائز تھے۔ ان کی گرفتاری اسپیشل جج سنٹرل اسلام آباد سے ضمانت قبل از گرفتاری منسوخ ہونے کے بعد عمل میں لائی گئی۔

غیر قانونی الاٹمنٹس کا معاملہ

ملزمان نے سیکٹرز آئی چودہ، ڈی تیرہ اور ای گیارہ میں غیر قانونی طور پر تینتالیس پلاٹس الاٹ کیے تھے۔ اس غیر قانونی الاٹمنٹس سے قومی خزانے کو تقریباً ایک ارب روپے کا نقصان پہنچا۔