پی سی بی نے پاکستان اور بنگلہ دیش کے درمیان ٹی ٹوینٹی سیریز کا شیڈول جاری کر دیا
پاکستان کرکٹ بورڈ کا اعلان
لاہور (ڈیلی پاکستان آن لائن) پاکستان کرکٹ بورڈ (پی سی بی) نے پاک بنگلادیش ٹی ٹوئنٹی سیریز کا شیڈول جاری کردیا۔
یہ بھی پڑھیں: جعلی وکیل کے خلاف کارروائی صرف پنجاب بار کونسل کر سکتی ہے: لاہور ہائیکورٹ
ٹی ٹوئنٹی میچز کا شیڈول
شیڈول کے مطابق پاکستان اور بنگلادیش کے درمیان 5 ٹی ٹوئنٹی میچز کھیلے جائیں گے۔ فیصل آباد 17 سال بعد بین الاقوامی کرکٹ میچ کی میزبانی کرے گا۔ جاری شیڈول کے تحت 2 ٹی ٹوئنٹی میچز 25 اور 27 مئی کو فیصل آباد میں جبکہ 3 ٹی ٹوئنٹی میچز 30 مئی، یکم جون اور 3 جون کو لاہور میں ہوں گے۔
بنگلادیشی ٹیم کا دورہ
پہلے بنگلا دیشی ٹیم کا دورہ 3 ون ڈے اور 3 ٹی ٹوئنٹی پر مشتمل تھا تاہم ٹی ٹوئنٹی ورلڈ کپ کی تیاری کے لیے اب ون ڈے انٹرنیشنل کی جگہ 2 اضافی ٹی ٹوئنٹی میچز کھیلے جائیں گے۔ دونوں کرکٹ بورڈ ون ڈے میچز کی جگہ 2 اضافی ٹی ٹوئنٹی انٹرنیشنل کھیلنے پر متفق ہیں۔
