بھارت سائبر دہشتگردی پر بھی اتر آیا، پاکستان نے وفاقی وزارتوں پر سائبر حملے ناکام بنادئیے

بھارت کی سائبر دہشت گردی کی کوششیں

اسلام آباد (آئی این پی ) بھارت آبی دہشت گردی کے بعد سائبر دہشت گردی پر اتر آیا۔ وفاقی وزیر آئی ٹی شزہ فاطمہ نے کہا ہے کہ بھارت کی جانب سے مختلف وفاقی وزارتوں کی ویب سائٹس پر کیے گئے سائبر حملے پاکستان نے ناکام بنا دئیے ہیں۔

یہ بھی پڑھیں: این ڈی ایم اے نے آزاد کشمیر میں شدید بارشوں کا الرٹ جاری کردیا

پاکستان کی سائبر سیکیورٹی کی صورت حال

وفاقی وزیر شزہ فاطمہ نے بتایا کہ بھارت کے سائبر حملوں سے کوئی بہت بڑا مسئلہ نہیں ہوا۔ ٹیلی کام سیکٹر پر سائبر حملوں کا کوئی اثر نہیں آیا کیونکہ وفاقی وزارتوں کی ویب سائٹس کی ہوسٹنگ این ٹی سی پر ہے اور این ٹی سی کے پاس سائبر سیکیورٹی کا بہترین نظام ہے۔

یہ بھی پڑھیں: کراچی میں 6 سالہ بچے کے ساتھ بدفعلی، 2ملزم گرفتار

ایمرجنسی رسپانس ٹیمز اور آگاہی

وزیر آئی ٹی نے بتایا کہ قومی اور صوبائی سطح پر کمپیوٹر ایمرجنسی رسپانس ٹیمز تشکیل دی جاچکی ہیں جبکہ وفاقی اور صوبائی حکومتیں سائبر سیکورٹی کے حوالے سے شہریوں کو آگاہی دے رہی ہیں۔ کمپیوٹر ایمرجنسی رسپانس ٹیمز کی جانب سے ایڈوائزریاں جاری کی جارہی ہیں۔

یہ بھی پڑھیں: میڈیا کو مری اجلاس کے شرکاء کا نہیں پتہ، موجودہ نظام کے تسلسل کی وجہ کون ہے؟ وزیر دفاع خواجہ آصف نے بتا دیا

پاکستان کی کامیاب سائبر سیکیورٹی

شزہ فاطمہ نے کہا کہ سائبر حملوں سے متعلق این ٹی آئی ایس بی بھی فعال ہے۔ پاکستان سائبر سیکورٹی کے لحاظ سے ٹاپ ممالک کی فہرست میں شامل ہے جبکہ گزشتہ دو سالوں میں پاکستان سائبر سیکورٹی کے لحاظ سے ٹاپ ٹیئر ممالک میں آیا ہے اور پاکستان کا نام امریکا، برطانیہ اور ان جیسے ممالک کی فہرست میں آیا ہے۔

یہ بھی پڑھیں: جاپانی وفد کی صوبائی وزیر سوشل ویلفیئر سے ملاقات، افراد باہمی معذوری کی فلاح پر پاک، جاپان تعاون بڑھانے پر اتفاق

سوشل میڈیا پر پاکستانی نوجوانوں کی تنقید

وفاقی وزیر انفارمیشن ٹیکنالوجی نے مزید کہا کہ سوشل میڈیا پر ہونے والی جنگ پر پاکستانی نوجوانوں کو داد دیتی ہوں۔ پاکستانی میمز بنا کر پاک بھارت کشیدگی کو انجوائے کر رہے ہیں۔ لوگ سوشل میڈیا پر اتنی کشیدہ صورتحال کو بھی اپنے انداز میں بیان کررہے ہیں۔

پاکستان کا مؤقف

شزہ فاطمہ نے کہا کہ ہم پاکستانی کسی ڈرنے والے نہیں ہیں، پاکستان نے ہمیشہ امن کی بات کی ہے۔ پاکستان نے پہلگام واقعے کی مذمت کی ہے، پاکستان خود دہشتگردی سے متاثر ہے۔