پاکستان بھارت ڈی جی ایم اوز کی ہاٹ لائن پر بات چیت

پاک بھارت ڈی جی ایم اوز کی بات چیت

راولپنڈی (ڈیلی پاکستان آن لائن) ایل اوسی پر جاری کشیدگی کے بارے میں پاک بھارت کے ڈائریکٹر جنرل ملٹری آپریشنز نے ہاٹ لائن پر بات چیت کی۔ غیر ملکی نیوز ایجنسی کی رپورٹ کے مطابق، دونوں فوجی افسروں نے لائن آف کنٹرول کی خلاف ورزیوں کے حوالے سے گفتگو کی۔

یہ بھی پڑھیں: امریکی کمپنی نے اڑنے والی الیکٹرک کار متعارف کرادی

ایل او سی پر بھارتی فائرنگ

سکیورٹی ذرائع کے مطابق، 29 اور 30 اپریل کی درمیانی شب بھارت نے ایل او سی پر سیز فائر کی خلاف ورزی کی۔ اس دوران کیانی اور منڈل سکیٹر میں بلااشتعال فائرنگ کی گئی۔ سکیورٹی ذرائع نے بتایا ہے کہ بھارت کی جانب سے چھوٹے ہتھیاروں کا استعمال کیا گیا، جس پر پاک فوج نے بھرپور جواب دیتے ہوئے بھارتی فوج کو منہ توڑ جواب دیا اور ایل او سی پر دشمن کو خاموش کرا دیا۔

پاک فوج کا مؤثر جواب

سکیورٹی ذرائع کے مطابق، پاک فوج کے مؤثر جواب سے دشمن کے متعدد مورچے تباہ ہونے کی اطلاعات ہیں۔ علاوہ ازیں، مقبوضہ کشمیر میں ایل او سی پر بھارتی چکپترا پوسٹ بھی تباہ کر دی گئی ہے۔