بھارت میں کرتا پاجامہ پہننے پر مسلمان بھائیوں پر حملہ، لہولہان کردیا

بھارت میں مسلم بھائیوں پر حملہ

نئی دہلی (ویب ڈیسک) بھارت میں کرتا پاجامہ پہننے پر جنونی ہندوؤں نے مسلمان بھائیوں پر حملہ کیا، جس کے نتیجے میں وہ شدید زخمی ہوئے۔

یہ بھی پڑھیں: لاہور سمیت ملک بھر میں زلزلے کے شدید جھٹکے

تشدد کا واقعہ

روزنامہ جنگ کے مطابق بھارتی ریاست بہار کے شہر پٹنہ میں انتہا پسند ہندوؤں کی جانب سے دو مسلمان بھائیوں کو صرف اس وجہ سے شدید تشدد کا نشانہ بنایا گیا کہ ایک بھائی نے کرتا پاجامہ پہن رکھا تھا۔ کشمیر میڈیا سروس کے مطابق، ایک مقامی صحافی دانش کو ان کے بھائی کے ساتھ ہندوتوا نظریات رکھنے والے ہجوم نے بدترین تشدد کا نشانہ بنایا۔

گھیراؤ اور تشدد

میڈیا رپورٹ کے مطابق، صحافی دانش اپنے بھائی کے ساتھ کام ختم کرنے کے بعد گھر واپس جا رہے تھے کہ اس دوران 20 سے 25 افراد پر مشتمل ایک گروہ نے انہیں گھیر لیا اور مارنا پیٹنا شروع کر دیا۔ دانش نے بتایا کہ "ہمیں صرف اس لیے مارا گیا کہ میرے بھائی نے کرتا پاجامہ پہن رکھا تھا۔" انہوں نے ہمارے سر اور گردن پر وار کیے۔