محنت کش ہمارے ہیرو، خراج تحسین پیش کرتے ہیں: سی ای او لیسکو کا یوم مئی پر تقریب سے خطاب

یوم مزدور کی تقریب

لاہور (ڈیلی پاکستان آن لائن) لاہور الیکٹرک سپلائی کمپنی کے ہیڈ کوارٹرز میں یوم مزدور کے حوالے سے تقریب کا انعقاد کیا گیا جس میں چیف ایگزیکٹو آفیسر انجینئر محمد رمضان بٹ، ایچ آر ڈائریکٹر ضمیر حسین کلاچی اور لیسکو کے مختلف شعبوں سے تعلق رکھنے والے محنت کشوں نے شرکت کی۔

یہ بھی پڑھیں: سندھ میں محکمہ اینٹی کرپشن کی ری سٹرکچرنگ پر کام شروع ، شکایات کیسے رپورٹ ہونگی ۔۔؟ جانیے

محنت کش طبقے کا کردار

اس موقع پر خطاب کرتے ہوئے چیف ایگزیکٹو آفیسر انجینئر محمد رمضان بٹ نے کہا کہ معاشرے میں محنت کش طبقے کی عزت و وقار اور حقوق کا تحفظ کیے بغیر ترقی اور خوشحالی کا خواب شرمندہ تعبیر نہیں ہو سکتا۔ قومی ترقی اور خوشحالی میں محنت کش طبقے کا کردار کلیدی اہمیت رکھتا ہے۔ لیسکو کا فیلڈ سٹاف بھی ملکی ترقی اور قومی خدمت کے جذبے سے سرشار ہوکر سخت سے سخت حالات میں اپنے فرائض سرانجام دیتا ہے، انہی لوگوں کی انتھک محنت کی وجہ سے لیسکو عوامی توقعات پر پورا اتر رہا ہے۔

یہ بھی پڑھیں: جعلی ہیلووین پریڈ کے اعلان نے ڈبلن کی گلیوں میں افراتفری مچادی

قربانیوں کا اعتراف

چیف لیسکو نے کہا کہ آج ہم ان محنت کشوں کی بے پناہ قربانیوں کو خراج تحسین پیش کرتے ہیں جنہوں نے اپنے حقوق کے لیے انتھک جدوجہد کرتے ہوئے اپنی جانیں دیں۔ ہم ان مزدوروں کی انمول شراکت کا بھی احترام کرتے ہیں جو کھیتوں، کارخانوں اور دیگر جگہوں پر دن رات کام کرتے ہیں۔ وہ نہ صرف اپنے خاندان کا پیٹ پالنے کے لیے سخت محنت کرتے ہیں بلکہ پاکستان کی ترقی کے پیچھے بھی متحرک ہیں۔

محنت کشوں کی اہمیت

چیف ایگزیکٹو انجینئر محمد رمضان بٹ نے مزید کہا کہ محنت کش ہمارے ہیرو ہیں جو کہ رزق حلال کما کر معیشت کو مضبوط کرتے ہیں۔ محنت کش کو اللہ کا دوست قرار دے کر اس عظمت کو اجاگر کیا گیا ہے۔ ہر سال یوم مزدور ہمیں دنیا بھر میں اپنی قوموں کی ترقی و خوشحالی کے لیے محنت کشوں کی قربانیوں اور انمول شراکت کا اعتراف کرنے کا موقع فراہم کرتا ہے۔ آج ہم محنت کشوں کے حقوق کے تحفظ اور ان کی اجتماعی بھلائی کے لیے اقدامات کرنے کے عزم کا اعادہ کرتے ہیں۔