دولہے نے شادی کے پیسوں سے گاؤں والوں کیلیے سڑک تعمیر کروا دی

مہاراشٹر کے دولہے کی انوکھی محبت

ممبئی (ویب ڈیسک) بھارتی ریاست مہاراشٹر کے ضلع چندر پور میں دولہے نے شادی کیلیے جمع کی گئی رقم سے گاؤں والوں کیلیے نئی سڑک تعمیر کروادی۔

یہ بھی پڑھیں: آئی سی سی نے چیمپئنز ٹرافی کیلئے پاک بھارت فیوژن فارمولے کا اعلان کردیا

سادگی سے شادی کا فیصلہ

بھارتی میڈیا کی رپورٹس کے مطابق سوسا گاؤں کے رہائشی نوجوان شری کانت نے سادگی سے شادی کرنے کا فیصلہ کرتے ہوئے رقم کو لوگوں کی پریشانی دور کرنے کیلیے خرچ کیا۔ شری کانت نے انجلی نامی لڑکی سے 28 اپریل کو شادی کی، تقریب کیلیے سادگی کا خاص خیال رکھا گیا۔

یہ بھی پڑھیں: لاہور میں فحش گانوں پر لڑکیوں کی تصاویر لگانے والا آخر کار پکڑا گیا

روایتی تحائف کی جگہ پودے

زراعت میں پوسٹ گریجویٹ دولہے نے بتایا کہ ہم نے رشتہ داروں سے روایتی تحائف لینے کے بجائے تقریباً 90 پودے لگا کر اس موقع کو یادگار بنایا۔ اس نے بتایا کہ جب میری شادی کا منصوبہ بنایا جا رہا تھا تو میں نے اہل خانہ کو کہہ دیا تھا کہ تقریبات اور دعوتوں پر پیسہ خرچ کرنے کے روایتی طریقے سے گریز کیا جائے۔

یہ بھی پڑھیں: بھارت میں شیری رحمان کا سوشل میڈیا اکاؤنٹ بلاک

نئی سڑک کی تعمیر

اہل خانہ اور مہمانوں کو راضی کرنے کے بعد دولہے نے 50 ہزار روپے اکٹھے کیے اور اسے تقریباً 600 میٹر لمبی سڑک بنانے میں استعمال کیا تاکہ گاؤں والے بغیر کسی مشکل کے اپنے کھیتوں تک پہنچ سکیں۔ نوجوان نے بتایا کہ ہمارے گاؤں سے کھیتوں تک کا راستہ بارشوں کے دوران کافی خراب ہو جاتا ہے جبکہ لوگوں کیلیے کھیتوں تک رسائی تقریباً ناممکن ہو جاتی ہے۔ میں نے مقامی لوگوں کی مدد سے سڑک بنائی تاکہ آنے جانے والوں کو کوئی مشکل پیش نہ آئے۔

پھلوں کے درخت کا منصوبہ

شر کانت کے مطابق لوگ شادی میں سامان، برتن اور فرنیچر پر بہت زیادہ پیسہ خرچ کر دیتے ہیں، میں نے مہمانوں سے کہہ دیا تھا کہ کوئی تحفہ نہ لائیں۔ ہم نے سوسا گاؤں میں پودے لگانے کیلیے بھی رقم جمع کی جہاں 36 مختلف اقسام کے پھلوں کے درخت لگا دیے ہیں تاکہ لوگ ان سے پھل حاصل کر سکیں۔