محکمہ موسمیات نے ملک کے مختلف علاقوں میں مزید بارشوں کی پیش گوئی کردی۔

موسمی پیشگوئی کا جائزہ

لاہور(ڈیلی پاکستان آن لائن) محکمہ موسمیات نے منگل کے روز بلوچستان، سندھ، کشمیر اور گلگت بلتستان کے مختلف علاقوں میں تیز ہواؤں اور گرج چمک کے ساتھ بارش کی پیش گوئی کردی ہے۔ رپورٹ کے مطابق، آج رات ملک کے بیشتر علاقوں میں مطلع جزوی ابر آلود رہنے کا امکان ہے۔

یہ بھی پڑھیں: ستاروں کی روشنی میں آپ کا آج (بدھ) کا دن کیسا رہے گا؟

بالائی خیبر پختونخوا اور جنوبی بلوچستان کی صورتحال

محکمہ موسمیات کا کہنا ہے کہ بالائی خیبر پختونخوا، جنوبی بلوچستان، جنوب مغربی سندھ اور کشمیر میں تیز ہواؤں / آندھی اور گرج چمک کے ساتھ مزید بارش جبکہ چند مقامات پر موسلادھار بارش بھی ہو سکتی ہے۔

یہ بھی پڑھیں: اسحاق ڈار سعودی عرب روانہ، او آئی سی وزرائے خارجہ اجلاس میں شرکت کریں گے

اسلام آباد اور گردونواح کی موسمی حالت

منگل کے روز اسلام آباد اور گردونواح میں مطلع جزوی ابر آلود رہنے کا امکان ہے۔ خیبرپختونخوا اور پنجاب کے بیشتر اضلاع میں موسم گرم اور خشک رہنے کا امکان ہے۔ دوسری جانب بلوچستان کے بیشتر اضلاع میں موسم خشک رہنے کا امکان ہے۔ تاہم خضدار، لسبیلہ اور گردونواح میں تیز ہواؤں اور گرج چمک کے ساتھ بارش کی توقع ہے۔

یہ بھی پڑھیں: لاہور، راولپنڈی اور پشاور کے درمیان ٹرین سروس بند، ٹکٹیں منسوخ

سندھ اور کشمیر کی موسمی کیفیت

رپورٹ کے مطابق سندھ کے بیشتر اضلاع میں موسم گرم اور خشک رہنے کا امکان ہے۔ تاہم عمر کوٹ، تھرپارکر میں تیز ہوائیں / جھکڑ چلنے کے علاوہ گرج چمک کے ساتھ بارش کا امکان ہے۔ ادھر کشمیر میں بعد از دوپہر مطلع ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے جبکہ گلگت بلتستان میں مطلع جزوی ابر آلود رہنے کی توقع ہے۔

درجہ حرارت کی صورت حال

آج زیادہ سے زیادہ درجہ حرارت تربت 45، نوکنڈی، دالبندین میں 40 ڈگری سینٹی گریڈ ریکارڈ کیا گیا۔