کینیڈا کے وفاقی انتخابات میں چھ پاکستانی نژاد کینیڈین کامیاب ہو گئے

کینیڈا کے وفاقی انتخابات میں پاکستانیوں کی شمولیت

دبئی (طاہر منیر طاہر) 28 اپریل 2025 کو کینیڈا میں ہونے والے وفاقی انتخابات میں کینیڈا میں مقیم پاکستانیوں نے بھرپور حصہ لیا، اپنی مرضی کی پارٹی کو ووٹ دئیے اور اپنی اہمیت منوانے میں بڑی حد تک کامیابی حاصل کی ہے۔ انتخابات میں پاکستانیوں کی اکثریت نے لبرل پارٹی کی حمایت کی اور اس کے امیدواروں کی انتخابی مہم میں پورے زورو شور سے حصہ لیا، جس کے نتیجے میں انہیں بھاری ووٹوں کی اکثریت سے کامیابی ملی۔

یہ بھی پڑھیں: سیالکوٹ؛سرکاری ہسپتال کے آپریشن تھیٹر سے لڑکی کی 3 دن پرانی برہنہ لاش برآمد

پاکستانی نژاد امیدواروں کی کامیابی

انتخابات میں 50 پاکستانی نژاد کینیڈین نے مختلف پارٹیوں کے ٹکٹ پر حصہ لیا، جن میں سے چھ امیدوار کامیاب ہوئے۔ ان میں سلمٰی زاہد (اسکاربورو ڈان ویلی ایسٹ)، اقرا خالد (مسی ساگا ایرن ملز)، شفقت علی (برامپٹن چِنگوزی پارک)، یاسر نقوی (اٹاوہ سنٹر)، سمیر زبیری (پیئرفونڈز ڈالرڈ) اور اسلم رانا (ہملٹن سنٹر) شامل ہیں۔ سلمٰی زاہد، اقرا خالد، شفقت علی، یاسر نقوی اور سمیر زبیری پہلے بھی ارکانِ پارلیمنٹ رہ چکے ہیں، جبکہ اسلم رانا پہلی بار رکنِ پارلیمنٹ بنے ہیں۔

یہ بھی پڑھیں: چیف جسٹس قاضی فائز عیسیٰ کو اکسائیں گے تو پھر ۔۔۔‘‘ نامزد چیف جسٹس یحییٰ آفرید ی کی بات پر ریفرنس کے دوران قہقہے لگ گئے

انتخابی مہم میں اہم کردار

لبرل پارٹی کی کامیابی میں شہر اقبال سیالکوٹ سے تعلق رکھنے والے ممتاز پاکستانی بزنس مین محمد جاوید چودھری اور ان کے صاحبزادوں شہروز علی چودھری اور حسن علی چودھری نے انتھک محنت کی۔ انہوں نے انتہائی منظم طریقے سے لبرل پارٹی کی انتخابی مہم چلائی اور دیار غیر میں اپنی ایک پہچان بنائی۔ سیالکوٹ کے حوالے سے یہ ایک خوش آئند بات ہے کہ اس سے پہلے کسی سیالکوٹی کی طرف سے اتنے منظم اور جوش و جذبے سے کینیڈا کے انتخابات میں حصہ لینے کی کوئی قابل ذکر روایت نہیں تھی۔

یہ بھی پڑھیں: شادی کی تقریبات میں خواجہ سرا اور خواتین کے ڈانس پر پابندی کے خلاف قرارداد پیش

محمد جاوید چودھری کی قیادت

محمد جاوید چودھری، جو سیالکوٹ انٹرنیشنل ائرپورٹ لمیٹڈ کے انتہائی متحرک ڈائریکٹر بھی ہیں، نے اپنے صاحبزادوں کے ساتھ مل کر انتخابی مہم چلائی۔ انہوں نے گھر گھر جا کر اپنی پارٹی کے لیے ووٹ مانگے اور بڑی بڑی میٹنگز منعقد کر کے مہمانوں کی پرتکلف کھانوں سے تواضع کی۔

یہ بھی پڑھیں: مضبوط، شفاف اور منصفانہ مالیاتی نظام کا قیام ویژن ہے: مریم نواز

کامیابی میں تعاون

انتخابی مہم کے دوران محمد جاوید چودھری کے جن دوستوں اور ساتھیوں نے بھرپور طریقے سے انتخابی مہم میں حصہ لیا ان میں مرتضیٰ جوئیہ، چودھری طاہر، چودھری طارق لطیف، حمیر خان، مزمل ارشد، عباس ارشد، حسیب رانا، طاہر خان، محمد آصف، زاہد غلام نبی، وقار حسین، ریاض علی، ادریس خان، طارق حسین، میا ن وقاص، میاں توحید، میاں شاہ زیب، حافظ محمد صہیب حفیظ مرزا اور دوسرے شامل ہیں۔

حسن جاوید چودھری کی سیاسی بصیرت

انتخابی مہم کے دوران حسن جاوید چودھری نے لبرل امیگریشن پالیسی پر نظر ثانی کرنے اور پاکستانی افراد کو کینیڈا کے ویزے کی درخواست کا فیصلہ دبئی کی بجائے وطن میں کرنے کا مطالبہ کیا۔ پاکستانیوں کی اکثریت نے لبرل پارٹی کو ووٹ دے کر کامیاب کرایا ہے، اب یہ دیکھنا ہے کہ لبرل پارٹی کی حکومت پاکستانیوں اور دیگر ایشیائی ممالک کے مسائل حل کرنے میں کتنی دلچسپی لیتی ہے۔