پہلگام حملہ: پاکستان پر ایک اور بھارتی الزام جھوٹ ثابت ہوگیا

بھارت کے بے بنیاد الزامات کی حقیقت

اسلام آباد (ویب ڈیسک) پاکستان پر ایک اور بھارتی الزام جھوٹ ثابت ہو گیا، آزاد کشمیر میں کسی دہشت گرد ٹریننگ کیمپ کے کوئی شواہد نہیں ملے۔

یہ بھی پڑھیں: پاکستان نے غلطیاں کیں، نئے پروگرام پر کامیاب عملدرآمد کیلئے مضبوط پالیسیاں ناگزیر ہیں: نمائندہ آئی ایم ایف

آزاد کشمیر میں دہشت گرد کیمپوں کا الزام

نجی ٹی وی وجیونیوز کے مطابق بھارت کی جانب سے پہلگام واقعے کو جواز بنا کر پاکستان پر آزاد کشمیر کے علاقے بیلانور شاہ میں دہشت گردوں کے تربیتی کیمپس موجود ہونے کا الزام عائد کیا جارہا ہے۔

یہ بھی پڑھیں: اداکارہ نیلم نے گووندا کے ساتھ تعلقات کی خبروں پر پہلی بار خاموشی توڑ دی

مقامی شہریوں کی گواہی

اسی الزام کی حقیقت جاننے کے لیے انٹرنیشنل اور پاکستانی میڈیا نے ایل او سی سے 26 کلو میٹر کے فاصلے پر بیلانور شاہ کا دورہ کیا۔ بھارتی الزامات کے برعکس، علاقے میں پرامن ماحول اور زندگی معمول کے مطابق رواں دواں ہے۔

مقامی شہری نے کہا کہ 37 سال سے دور دور تک کوئی کیمپ نہیں دیکھا، معمولات زندگی اچھی طرح جارہی ہیں، دنیا تسلیم کررہی ہے کہ یہاں کوئی جہادی کیمپ نہیں تھا۔

یہ بھی پڑھیں: چینی سفیر کا بیان دونوں ممالک کے تعلقات کی عکاسی نہیں کرتا، ترجمان دفتر خارجہ

سیاحوں کی گواہی

وہاں موجود سیاح کا کہنا تھا کہ ہم یہاں لوگ گھومنے پھرنے آئے تھے، ہمارے سامنے بچے اسکول میں گئے، پیچھے ایک کالج ہے، سرکاری اسکول ہے، بچے اپنی لائف انجوائے کررہے ہیں اور ہم بھی گھوم پھر رہے ہیں۔

یہ بھی پڑھیں: پشاور ہائیکورٹ؛ ثریا بی بی اور صنم جاوید کی حفاظتی ضمانت میں 10 دسمبر تک توسیع

تعلیمی سرگرمیاں

بیلانور شاہ کے علاقے میں سرکاری اور پرائیویٹ تعلیمی اداروں میں تعلیمی سرگرمیاں بھی معمول کے مطابق جاری ہیں۔ خاتون پرنسپل کا کہنا ہے کہ 5 سال سے یہ ادارہ چلا رہے ہیں، کوئی ایکٹیویٹی ہم نے نہیں دیکھی، پر امن ماحول میں پڑھاتے ہیں۔

یہ بھی پڑھیں: آئی پی پیز سے مذاکرات ، ایک اور کمپنی سے معاملات طے پا گئے

وفاقی وزیر کا بیان

اس کے علاوہ وفاقی وزیر اطلاعات و نشریات عطا اللہ تارڑ نے کہا کہ بھارت بغیر ثبوت پاکستان پر بے بنیاد الزام لگارہا ہے، ان کی ساری حکمت عملی بچگانہ اور تخیلاتی ہے۔

انہوں نے کہا کہ یہاں زندگی معمول کے مطابق چل رہی ہے، دہشت گردوں کے کیمپس اور ان کی یہاں تربیت ہونے کا سوال ہی پیدا نہیں ہوتا، اس لیے ہم یہاں آئے ہیں تاکہ بتا سکیں تم لوگ نقشے پر دعوی کرتے ہو، ہم لوگ یہاں پہنچ گئے ہیں۔

یہ بھی پڑھیں: عدالت نے عارف علوی کو کسی بھی درج مقدمے میں گرفتار کرنے سے روک دیا

قدرتی حسن اور امن

بھارتی الزامات کے برعکس علاقے میں تربیتی کیمپس تو نظر نہ آئے، لیکن قدرتی حسن سے مالا مال اس علاقے میں روز مرہ کے معمولات زندگی اور چہل پہل ضرور نظر آئی۔

بھارت کا پراپیگنڈا

بیلانور شاہ کا پرامن ہونا اس بات کا ثبوت ہے کہ بھارت کا یہ پراپیگنڈا بھی من گھڑت اور بے بنیاد ہے، جو کہ بھارت کے جنگی جنون کے علاوہ کچھ نہیں ہے۔