وزیراعلیٰ پنجاب مریم نواز کی بھارتی حملے کی شدید مذمت، پنجاب میں ایمرجنسی نافذ
وزیراعلیٰ پنجاب کا ردعمل
لاہور(ڈیلی پاکستان آن لائن) وزیراعلیٰ پنجاب مریم نواز شریف نے بھارتی افواج کی جانب سے مبینہ جارحیت اور حملے کو بزدلانہ کارروائی قرار دیتے ہوئے شدید الفاظ میں مذمت کی ہے۔ انہوں نے کہا کہ پوری قوم متحد ہوکر دشمن کا مقابلہ کرے گی اور دشمن کو ماضی کی طرح ایک بار پھر منہ توڑ جواب دیا جائے گا۔
یہ بھی پڑھیں: تیز رفتار گاڑی کے نیچے آ کر شہید ہونے والے اہلکاروں سے متعلق رینجرز کا بیان سامنے آگیا
ماضی کی یادیں
وزیراعلیٰ نے اپنے بیان میں کہا کہ مئی میں دشمن نے حملہ کیا ہے، اور ہم 28 مئی 1998 کی طرح بھرپور اور فیصلہ کن جواب دیں گے۔ پاکستانی قوم کا بچہ بچہ اس امتحان میں سرخرو ہوگا، اور اللہ تعالیٰ کے فضل و کرم سے ہم فتح یاب ہوں گے۔
یہ بھی پڑھیں: مقامی گیس کی عدم فراہمی اور درآمدہ ایل این جی پر انحصار کا تجربہ ناکام، کے الیکٹرک نے 2 گیس پاور پلانٹس بند کرنے کا اعلان کر دیا
ہنگامی حالت کا اعلان
صورتحال کی سنگینی کو مدنظر رکھتے ہوئے وزیراعلیٰ مریم نواز نے پورے پنجاب میں ہنگامی حالت کا اعلان کر دیا ہے۔ پنجاب پولیس، سکیورٹی فورسز، سول ڈیفنس اور تمام متعلقہ اداروں کو ہائی الرٹ کر دیا گیا ہے۔
یہ بھی پڑھیں: سانحہ آرمی پبلک سکول پشاور کو 10 سال گزر چکے لیکن دکھ آج بھی زندہ ہیں: مریم نواز
میڈیکل عملے کی ہدایت
وزیراعلیٰ نے پنجاب بھر کے تمام ہسپتالوں میں ڈاکٹروں اور طبی عملے کی چھٹیاں منسوخ کرنے کا حکم جاری کرتے ہوئے تمام عملے کو فوری طور پر ڈیوٹی پر رپورٹ کرنے کی ہدایت کی ہے۔
یہ بھی پڑھیں: اوگرا نے ایل پی جی کی قیمت میں 17 روپے 74 پیسے فی کلو کمی کر دی
ڈسٹرکٹ ایڈمنسٹریشن کی تیاری
اسی طرح صوبے کے تمام اضلاع کی ڈسٹرکٹ ایڈمنسٹریشن کو بھی الرٹ کر دیا گیا ہے جبکہ شہری دفاع اور دیگر متعلقہ اداروں کے افسران اور عملے کو فوری طور پر طلب کر لیا گیا ہے۔
حکومتی اپیل
حکومت پنجاب کی جانب سے شہریوں کو بھی اپیل کی گئی ہے کہ وہ پرسکون رہیں، افواہوں سے گریز کریں، اور سکیورٹی اداروں سے مکمل تعاون کریں۔
