لڑاکا طیارہ پلوامہ میں ایک سکول پر گرا ہے، مقبوضہ وادی کے صحافی نے ویڈیو شیئر کردی۔

پاکستان کی مسلح افواج کا جواب

سرینگر (ڈیلی پاکستان آن لائن) بھارت کے بزدلانہ حملے کے جواب میں پاکستان کی مسلح افواج نے دشمن کے دو طیاروں کو مار گرایا ہے۔ پہلے تو یہ خبریں صرف پاکستان میں سیکیورٹی ذرائع کے حوالے سے ہی چل رہی تھیں لیکن اب مقبوضہ وادی کے ایک صحافی نے ان تباہ حال طیاروں کی ویڈیو ٹوئٹر پر شیئر کردی ہے۔

یہ بھی پڑھیں: پی ٹی آئی میں اختلافات میں دن بدن اضافہ، عمران خان سے ملنے کی دیر ہے سب کچھ ٹھیک ہو جائے گا: شیر افضل مروت

صحافی کی رپورٹ

صحافی آصف صحاف کی جانب سے ٹوئٹر پر اپنے پیغام میں بتایا گیا ہے کہ کوئی لڑاکا طیارہ پلوامہ میں ایک سکول پر گرا ہے۔ انہوں نے بتایا کہ یہ جنوبی کشمیر کا علاقہ وایوں ہے جہاں طیارہ گرا ہے اور اس حوالے سے مزید تفصیلات سامنے آ رہی ہیں۔

ویڈیو کی تفصیلات

ان کی جانب سے اس حوالے سے ایک ویڈیو بھی شیئر کی گئی ہے جس میں دیکھا جاسکتا ہے کہ آگ کا ایک بڑا شعلہ فضا میں بلند ہے اور بہت سے مقامی لوگ دور سے کھڑے اس کو دیکھ رہے ہیں اور کچھ لوگ جائے وقوعہ کی طرف بھی جا رہے ہیں۔