محکمہ داخلہ میں اندرونی سیکیورٹی کنٹرول روم قائم

نئے انٹرنل سیکیورٹی کنٹرول روم کا قیام

لاہور (ڈیلی پاکستان آن لائن) وزیراعلیٰ پنجاب کی ہدایت پر محکمہ داخلہ میں انٹرنل سیکیورٹی کنٹرول روم قائم کر دیا گیا ہے۔

یہ بھی پڑھیں: بلوچستان حکومت نے 30 ہزار نوجوانوں کو بیرون ملک بھجوانے کے اقدامات کا آغاز کر دیا

چیئرمین کابینہ کمیٹی کا دورہ

تفصیلات کے مطابق چیئرمین کابینہ کمیٹی برائے امن و امان خواجہ سلمان رفیق نے محکمہ داخلہ کے کنٹرول روم کا دورہ کیا۔ سیکرٹری داخلہ پنجاب نور الامین مینگل نے سیکیورٹی صورتحال کے بارے میں بریفنگ دی۔

قانون نافذ کرنے والے اداروں کی تیاری

ترجمان محکمہ داخلہ پنجاب نے بتایا ہے کہ تمام قانون نافذ کرنے والے اداروں کے نمائندگان ڈیوٹی پر تعینات ہیں۔ صوبہ بھر کے ڈپٹی کمشنرز کو اپنے کنٹرول روم قائم کرنے کی ہدایت کر دی گئی ہے۔ پنجاب بھر کے کنٹرول رومز کو محکمہ داخلہ کے مرکزی کنٹرول روم سے منسلک کیا جائے گا۔