طیاروں کے بعد بھارت کی کرنسی بھی زمین بوس ہو گئی

بھارت کی معیشت پر پاکستانی کارروائی کا اثر

لاہور (ڈیلی پاکستان آن لائن) پاکستان کے ہاتھوں اپنے جہاز گروانے کے بعد بھارت کی معیشت بھی نوز ڈائیو پر آگئی ہے۔ بدھ کی صبح بھارتی روپیہ امریکی ڈالر کے مقابلے میں گراوٹ کا شکار ہو گیا۔

یہ بھی پڑھیں: پنجاب بھر میں ایک ہفتے میں تجاوزات ختم کرنے کا حکم ، ہر شہر میں گورننس کی ایکسی لینس نظر آنی چاہیے: مریم نواز

مارکیٹ کی صورتحال

خبر رساں ایجنسی "روئٹرز" کے مطابق ممبئی کے ایک بڑے بینک کے کرنسی ٹریڈر نے کہا کہ مارکیٹ میں "احتیاط اور خوف" کی فضا ہے اور اگر صورتحال مزید بگڑتی ہے تو بھارتی معیشت پر دباؤ میں اضافہ ہوگا۔ انہوں نے اعتراف کیا کہ 'صورتحال کے پیش نظر سب کی نظریں خبروں پر مرکوز ہیں۔'

یہ بھی پڑھیں: کوئٹہ ٹرین سٹیشن دھماکے میں ہلاک ہونے والے ایاز مسیح، جو کبھی بابر اعظم جیسا کرکٹر بننے کا خواب دیکھا کرتے تھے۔

ریزرو بینک کی ممکنہ مداخلت

اس حوالے سے بھارتی ریزرو بینک (RBI) کے ممکنہ اقدامات کی بھی توقع کی جا رہی ہے تاکہ کسی بڑی مالیاتی بدنظمی سے بچا جا سکے۔ تاہم ماہرین خبردار کر رہے ہیں کہ اگر خطے میں کشیدگی بڑھتی رہی تو بھارتی معیشت کیلئے خطرے کی گھنٹی بج سکتی ہے۔

یہ بھی پڑھیں: سکیورٹی وجوہات: گلگت و سکردو کی فلائٹس آج بھی منسوخ و تاخیر کا شکار

ماہرین کی رائے

اے این زی بینک کے ایف ایکس ماہر دھیرج نم نے کہا کہ ریزرو بینک کو آج "جارحانہ انداز میں مداخلت" کرنی پڑے گی تاکہ روپیہ کی گراوٹ پر قابو پایا جا سکے۔ انہوں نے اعتراف کیا کہ بھارت نے پہلے پاکستان کے خلاف جارحیت کو مالیاتی خطرہ نہیں سمجھا، مگر اب وہ خود اسی جنگی حکمت عملی کے بوجھ تلے دبنے لگا ہے۔

بھارتی حکومت کے دعوے

بھارتی حکومت نے دعویٰ کیا ہے کہ اس نے پاکستان کے اندر کچھ مقامات کو نشانہ بنایا ہے، جبکہ پاکستان نے جوابی کارروائی میں بھارت کے 5 طیارے مار گرائے، بریگیڈ ہیڈ کوارٹر تباہ کردیا اور ایل او سی پر چیک پوسٹس تباہ کردی گئیں۔