پاکستان اگلے 24 سے 48 گھنٹے میں حملہ کرے گا، انٹرنیشنل میڈیا کی تہلکہ خیز رپورٹ

پاکستان کا بھارتی جارحیت پر ردعمل

اسلام آباد (ڈیلی پاکستان آن لائن) پاکستان کی طرف سے آئندہ 24 سے 48 گھنٹوں میں بھارت کو ردعمل دینے کی توقع کی جاسکتی ہے اور یہ مؤقف سیاسی قیادت کے تمام حلقوں کی جانب سے دہرایا جا رہا ہے۔ ان کا کہنا ہے کہ اقوامِ متحدہ کے چارٹر کے آرٹیکل 51 کے تحت کسی بھی بلا اشتعال جارحیت پر ملک کو جواب دینے کا حق حاصل ہے۔

یہ بھی پڑھیں: وفاقی کابینہ اور قومی اسمبلی کے اجلاس سے متعلق فیصلہ ہوگیا

وزیر دفاع کا بیان

الجزیرہ کی رپورٹ کے مطابق وزیر دفاع نے کہا ہے کہ پاکستان کے پاس تمام آپشنز میز پر موجود ہیں اور بھارت کو یہ واضح پیغام دے دیا گیا ہے کہ پاکستان نہ صرف ایک ایٹمی طاقت ہے بلکہ روایتی جنگی صلاحیتوں کا بھی حامل ہے۔ پاکستان بھارت کے حملے کو اس کی حکومت کی جانب سے ایک فوجی جارحیت تصور کرتا ہے، لہٰذا وہ بھارتی فوجی تنصیبات کو نشانہ بنانا جاری رکھے گا۔

پاکستانی قیادت کی تقاریر

رپورٹ میں کہا گیا ہے کہ پاکستانی وزیر اعظم، وزیر خارجہ اور دیگر حکام کی جانب سے بھی پرجوش تقاریر سامنے آئی ہیں، جن میں کہا گیا ہے کہ بھارت نے کوئی شواہد فراہم نہیں کیے جن سے یہ ثابت ہو سکے کہ اس نے دہشت گردوں کے کیمپوں کو نشانہ بنایا، بلکہ حقیقت یہ ہے کہ اس کے حملے مساجد اور عام شہریوں کو نشانہ بنانے کے مترادف تھے۔