بھارت کا پاکستانی پائلٹ پکڑنے کا دعویٰ ، پاکستان کی تردید

بھارتی میڈیا کا جھوٹا پراپیگنڈہ

نئی دہلی (ڈیلی پاکستان آن لائن) بھارتی میڈیا کی جانب سے پاکستان کے خلاف جھوٹے پراپیگنڈے کا سلسلہ جاری ہے۔ پہلے ایف 16 اور جے ایف 17 گرانے کے دعوے کیے گئے، اب ایک پاکستانی پائلٹ پکڑنے کا جھوٹ گھڑا جا رہا ہے۔

یہ بھی پڑھیں: خواجہ آصف نے 9مئی کے ملزمان کو سزائیں سنائے جانے پر ردعمل جاری کر دیا

برکھا دت کا دعوی

بھارت سے تعلق رکھنے والی خاتون صحافی برکھا دت نے دعویٰ کیا ہے۔ انہوں نے ایکس پر لکھا "ایک پاکستانی پائلٹ بھارت کی تحویل میں ہے، مزید تفصیلات کا انتظار ہے۔ یہ پیش رفت ایسے وقت میں ہوئی ہے جب بھارت نے پاکستان کی جانب سے جموں، پٹھان کوٹ، اُدھم پور، سرینگر، آر ایس پورہ اور جیسلمیر پر کیے گئے کئی میزائل اور ڈرون حملوں کو ناکام بنا دیا ہے - تمام حملے ناکام بنا دیے گئے ہیں۔"

یہ بھی پڑھیں: پیپلز پارٹی کے سینئر رہنما فرحت اللّٰہ بابر نے ایف آئی اے سے کونسا ریکارڈ مانگ لیا۔۔؟ تفصیلات جانیے

پاکستان کا جواب

دوسری جانب، پاکستان نے ایسے دعووں کی تردید کی ہے۔’’ایکس‘‘ پر جاری اپنے بیان میں عطا تارڑ نے کہا "بھارت کی جانب سے ایف6 اور جے ایف7 طیارے گرانے کے بے بنیاد اور جھوٹے دعوے کیے جا رہے ہیں۔ جھوٹی اور من گھڑت کہانیاں آپ کو کہیں نہیں لے جائیں گی۔ ایسے غلط دعوے صرف آپ کی مایوسی کو ظاہر کرتے ہیں۔ ان دعوؤں کو مکمل طور پر مسترد اور رد کیا جاتا ہے۔"

اہم سوال

سوچنے کی بات ہے کہ جب پاکستان کا کوئی طیارہ گرا ہی نہیں تو پھر پائلٹ کو کیسے پکڑا جا سکتا ہے؟