پاک بھارت کشیدگی، بھارت کرکٹ ٹیم کے کپتان روہت شرما کا رد عمل سامنے آگیا
روہت شرما کی بھارتی فوج کی حمایت میں گفتگو
نئی دہلی (ڈیلی پاکستان آن لائن) بھارتی کرکٹ ٹیم کے کپتان روہت شرما نے اپنی فوج کے حق میں بیان دیتے ہوئے کہا ہے کہ ہر گزرتے لمحے اور ہر فیصلے کے ساتھ، بھارتی شہریوں میں اپنی مسلح افواج پر فخر مزید بڑھ رہا ہے۔
مسلح افواج کا عزم
مائیکرو بلاگنگ سائٹ ایکس پر پیغام دیتے ہوئے ان کا کہنا تھا کہ بھارتی آرمی، ایئر فورس اور نیوی کے جوان ملک کی خودداری اور سلامتی کے لیے سینہ تان کر کھڑے ہیں۔
ذمہ داری کا مظاہرہ
انہوں نے بھارتی عوام سے کہا کہ وہ ذمہ داری کا مظاہرہ کریں اور کسی بھی قسم کی جعلی خبروں کو پھیلانے یا ان پر یقین کرنے سے گریز کریں۔ موجودہ صورتحال میں سچائی اور قومی یکجہتی سب سے اہم ہیں۔
