بھارتی بریگیڈ ہیڈکوارٹرز کے جی ٹاپ اور سپلائی ڈپو اڑی بھی تباہ: سیکیورٹی ذرائع

بھارتی بریگیڈ ہیڈکوارٹرز کو نقصان

راولپنڈی (ڈیلی پاکستان آن لائن) سیکیورٹی ذرائع نے دعویٰ کیا ہے کہ بھارتی بریگیڈ ہیڈکوارٹرز کے جی ٹاپ کو تباہ کر دیا گیا ہے جبکہ سپلائی ڈپو اڑی کو تباہ کرنے کی اطلاعات بھی موصول ہوئی ہیں۔

یہ بھی پڑھیں: پاکستان بھارت کو کب اور کیسے جواب دے گا؟

پاکستان کی جوابی کارروائیاں

اس سے کچھ دیر قبل پاکستان نے بیاس میں براہموس کی سٹوریج، جہاں سے پاکستان پر میزائل داغے گئے، کو تباہ کر دیا اور ائیر بیس ادھم پور کو بھی نشانہ بنایا گیا۔ پٹھان کوٹ میں ائیر فیلڈ کو بھی تباہ کیا گیا۔ یاد رہے کہ ادھم پور ایئر بیس کو فتح ون 3 میزائلوں سے نشانہ بنایا گیا۔

آپریشن "بنیان المرصوص"

سیکیورٹی ذرائع کے مطابق پاکستان نے بھارتی جارحیت کے جواب میں آپریشن "بنیان المرصوص" لانچ کر دیا ہے۔ اس آپریشن کے تحت بھارت کے متعدد اہداف کو ایک ساتھ نشانہ بنایا جا رہا ہے۔ وہ تمام بیسز جہاں سے پاکستان کے عوام اور مساجد پر حملے کیے گئے، کو ٹارگٹ کیا جا رہا ہے۔ آپریشن میں متعدد ٹارگٹس کو نشانہ بنایا جا رہا ہے۔