بھارت نے پاکستان اور متحدہ عرب امارات کی دوستی کی علامت کو بھی نہ بخشا، شیخ زاید انٹرنیشنل ایئرپورٹ پر حملہ

لاہور (ویب ڈیسک) پاکستان کے آپریشن "بنیان مرصوص" شروع کرنے سے پہلے بھارت نے بھی حملے کیے جن کے دوران شیخ زاید انٹرنیشنل ایئرپورٹ پر حملہ کیا گیا۔ بھارتی بزدلانہ حملے کے نتیجے میں ایئرپورٹ کو نقصان پہنچا۔

یہ بھی پڑھیں: سوڈان: مارکیٹ پر فضائی حملہ، 100 سے زائد افراد ہلاک

بھارت کا نشانہ

پاکستان کے سرکاری ٹی وی کے مطابق، بھارت نے پاکستان اور متحدہ عرب امارات کی دوستی کی علامت کو نشانہ بنایا۔ یہ ایئرپورٹ 1993 میں تعمیر کیا گیا تھا اور اس کا نام شیخ زاید بن سلطان النہیان کے نام پر رکھا گیا۔

بھارتی جارحیت کا سلسلہ

یاد رہے کہ جنگی جنون میں مبتلا بھارت کی جانب سے انتہائی شرمناک عمل جاری ہیں۔ بھارت کی جانب سے گزشتہ روز ننکانہ صاحب کو بھی نشانہ بنانے کی کوشش کی گئی تھی۔