کل رات آپریشن بنیان مرصوص لانچ کرنے سے پہلے آرمی چیف نے بہت دیر تک دعا کرائی، انصار عباسی

بھارت کی شکست اور پاکستان کی مسلح افواج کا کردار

اسلام آباد(ڈیلی پاکستان آن لائن) معروف صحافی انصار عباسی نے بتایا ہے کہ بھارت پاکستان کے آگے جتنی جلدی گھٹنے ٹیکنے پر مجبور ہو گیا اس کا کریڈٹ ہماری مسلح افواج کو جاتا ہے۔ جس طرح بھارت غرور اور تکبر کا مظاہرہ کر رہا تھا، اس کے غرور کو پاکستان کے بھرپور جواب نے خاک میں ملا دیا۔

یہ بھی پڑھیں: جولائی تا ستمبر: عوام سے 110 ارب روپے کی اضافی پٹرولیم لیوی وصول

سیز فائر کا اعلان

جیو نیوز سے گفتگو کرتے ہوئے انہوں نے بتایا کہ جب سیز فائر کا فیصلہ ہوا تو پہلے دونوں ملکوں نے اس کا اعلان کرنا تھا لیکن امریکی صدر ٹرمپ نے کہا کہ سیز فائر کا اعلان میں خود کروں گا۔

آپریشن بنیان مرصوص کی تفصیلات

انصار عباسی نے بتایا کہ رات کو جس وقت آپریشن بنیان مرصوص کا فیصلہ کیا گیا تو اس وقت سول اور ملٹری قیادت ساتھ بیٹھے ہوئے تھے۔ اس موقع پر آرمی چیف جنرل عاصم منیر نے دعا کرائی اور چونکہ وہ خود حافظ قرآن ہیں، تو انہوں نے بہت دیر تک دعا کرائی، اور پھر آپریشن کا نام بھی قرآنی آیت سے رکھا گیا۔