عمران خان کی پیرول پر رہائی کی درخواست اعتراض لگا کر واپس کردی گئی

عمران خان کی پیرول پر رہائی کی درخواست واپس

اسلام آباد(ڈیلی پاکستان آن لائن) اسلام آباد ہائیکورٹ کے رجسٹرار آفس نے بانی پی ٹی آئی عمران خان کی پیرول پر رہائی کی درخواست اعتراضات لگاکر واپس کردی۔ درخواست گزار کو اعتراضات دور کرنے کے دوبارہ دائر کرنے کی ہدایت کردی۔ یہ درخواست وزیراعلیٰ خیبرپختونخوا علی امین گنڈا پور نے دائر کی تھی۔

یہ بھی پڑھیں: نیشنز ہاکی کپ؛ سیمی فائنل میں پہنچنے والی ٹیم کے پلئیرز کے ساتھ کیا سلوک کیا جارہا ہے؟ افسوسناک انکشاف

درخواست کی تفصیلات

نجی ٹی وی سما نیوز کے مطابق، پاکستان تحریک انصاف کے بانی عمران خان کی پیرول پر رہائی کیلئے وزیراعلیٰ خیبرپختونخوا علی امین گنڈاپور نے جمعہ کو اسلام آباد ہائی کورٹ میں درخواست دائر کی تھی۔ تاہم، رجسٹرار آفس نے بانی پی ٹی آئی کی پے رول پر رہائی کی درخواست اعتراضات لگا کر واپس کردی۔ رجسٹرار آفس نے اعتراضات دور کرکے درخواست دوبارہ دائر کرنے کی ہدایت کی ہے۔

یہ بھی پڑھیں: بنگلہ دیش عام انتخابات، بی این پی اتحاد نے 211 نشستیں جیت کر دو تہائی اکثریت حاصل کر لی

رجسٹرار آفس کے اعتراضات

رجسٹرار آفس کا کہنا ہے کہ پیرول پر رہائی کی درخواست متاثرہ شخص کی طرف سے نہیں کی گئی، اور ایسا کوئی دوسرا شخص کسی کیلئے ایسا ریلیف کیسے مانگ سکتا ہے؟ جس شخص کی رہائی مانگی گئی، اسے درخواست میں فریق نہیں بنایا گیا۔

مزید تفصیلات

رجسٹرار آفس نے یہ بھی اعتراض لگایا کہ مجرم نیب کیس میں سزا یافتہ ہے، اور درخواست میں نیب کو بھی فریق نہیں بنایا گیا۔ درخواست میں بنائے گئے فریقین کا مکمل ایڈریس بھی درج نہیں کیا گیا۔