بھارتی طیاروں کی تباہی کے ناقابلِ تردید شواہد منظر عام پر آگئے

پاک فضائیہ کی شاندار کارروائی

راولپنڈی (ڈیلی پاکستان آن لائن) پاک فضائیہ کی زبردست کارروائی، بھارتی طیاروں کی تباہی کے ناقابل تردید شواہد منظر عام پر آگئے۔

یہ بھی پڑھیں: آیت اللہ علی خامنہ ای کی شہادت ایک بڑا نقصان ہے، نواز شریف کااظہار تعزیت

ڈی جی آئی ایس پی آر کی وضاحت

نجی ٹی وی دنیا نیوز کے مطابق ترجمان پاک فوج ”ڈی جی آئی ایس پی آر“ لیفٹیننٹ جنرل احمد شریف چودھری نے 9 مئی کو بین الاقوامی میڈیا کے سامنے بھارتی جھوٹ کا پردہ چاک کیا۔ انہوں نے انکشاف کیا کہ 6 اور 7 مئی کی رات پاک فضائیہ اور بھارتی طیاروں کے درمیان طویل فضائی معرکہ ہوا، ایک گھنٹے سے زیادہ فضائی جنگ کے دوران پاک فضائیہ کے شاہینوں نے 5 بھارتی طیارے مار گرائے، جن میں 3 جدید رافیل طیارے، 1 مگ 29 اور ایک SU-30 شامل تھے۔

یہ بھی پڑھیں: کراچی: تیز آندھی کے باعث تاجر چھت سے گر کر جاں بحق

بھارتی نیریٹو کا سوال

بھارت نے روایتی ہٹ دھرمی جھوٹ کا سہارا لیتے ہوئے طیارے گرنے کی خبر سے انکار کیا حالانکہ کچھ بھارتی میڈیا چینلز نے طیارے گرنے کی خبروں کی تصدیق کی تھی، جو بعد میں مودی سرکار نے ہٹوا دیں۔

یہ بھی پڑھیں: 14 دوستوں کو قتل کرنے والی لڑکی کو سخت سزا سنا دی گئی، تہلکہ خیز انکشافات

ناقابل تردید شواہد

ڈی جی آئی ایس پی آر اور سینئر ایئر فورس آفیسر نے مشترکہ پریس کانفرنس میں بھارتی رافیل طیارے گرانے کے ناقابلِ تردید شواہد پیش کئے، جس میں بھارتی طیاروں کے نمبرز اور تباہ ہونے کی لوکیشنز بھی شامل تھیں۔

یہ بھی پڑھیں: بانی پی ٹی آئی کی خواجہ آصف کے خلاف مقدمے کی جلد سماعت کے لیے درخواست منظور

بھارتی میڈیا کی تصدیق

ترجمان پاک فوج نے کہا کہ بھارت کے مطابق ان کا کوئی طیارہ نہیں گرا جبکہ بھارتی میڈیا خود طیارہ گرنے کی خبروں کی تصدیق کر رہا ہے۔ طیارہ گرنے کی پہلی خبر “انڈیا ٹوڈے” نے جموں و کشمیر کے علاقے پامپور سے دی، جس میں مقبوضہ کشمیر کے 3 علاقوں میں طیارے گرنے کی تصدیق کی گئی۔

یہ بھی پڑھیں: بروقت دورہ، مثبت نتائج

فوٹیج اور مزید شواہد

ڈی جی آئی ایس پی آر نے بتایا کہ فوٹیج میں گرائے جانے والے طیارے کی ”ٹیل“ بھارتی 17 گولڈن ایرو سکواڈرن کے رافیل BS-001 طیارے کی ہے، جبکہ فوٹیج میں تباہ ہونے والے طیارے کا انجن بھی دکھایا گیا ہے جو بھارتی طیارے کا ہے۔

یہ بھی پڑھیں: ایران کی روس اور عمان کے ساتھ مشترکہ بحری مشقوں کا آغاز

سنجیدگی کا احساس

انہوں نے کہا کہ ہم 21 ویں صدی میں رہ رہے ہیں نہ کہ 18ویں صدی میں — ہر چیز اپنا نشان چھوڑ جاتی ہے۔

یہ بھی پڑھیں: صدر آصف علی زرداری سے وزیرِ اعلیٰ بلوچستان میر سرفراز بگٹی کی بلاول ہاؤس کراچی میں ملاقات

رپورٹنگ کے شواہد

بی بی سی کے نمائندے نے مقبوضہ جموں و کشمیر سے رپورٹنگ کرتے ہوئے کہا کہ پامپور کے علاقے میں رات کو دھماکے کی آواز سنی گئی، جو طیارہ گرنے کی تھی۔ بھارتی صحافی پراوین سواہنے نے بھی 6 اور 7 مئی کی رات بھارتی فضائیہ کے 3 جیٹ طیاروں کی تباہی کے شواہد دیئے۔

یہ بھی پڑھیں: افغانستان کی دستبرداری، پی سی بی نے سہ ملکی سیریز کے لیے کس نئی ٹیم سے رابطہ کر لیا؟ جانیے

مصدقہ اطلاعات

بھارتی صحافی پراوین سواہنے کے مطابق “انڈین ایکسپریس” اور “دی ہندو” اخبار نے بٹھنڈا کے قریب ایک اور بھارتی طیارہ گرنے کی خبر دی لیکن “دی ہندو” نے 40 منٹ کے بعد یہ خبر ہٹا دی۔