چیئرمین سینیٹ یوسف رضا گیلانی سرکاری دورے پر روس پہنچ گئے

چیئرمین سینیٹ کا روس کا سرکاری دورہ

ماسکو (ڈیلی پاکستان آن لائن) چیئرمین سینیٹ سید یوسف رضا گیلانی سرکاری دورے پر روس پہنچ گئے۔ یہ دورہ روس کی فیڈریشن کونسل کی چیئر پرسن کی جانب سے دی گئی دعوت پر ممکن ہوا۔

یہ بھی پڑھیں: بسنت منانے کی تیاریاں، پنجاب پتنگ بازی آرڈیننس 2025 قائمہ کمیٹی برائے داخلہ سے منظور

استقبال اور ملاقاتیں

نجی ٹی وی دنیا نیوز کے مطابق، روسی فیڈریشن کونسل میں روس پاکستان فرینڈ شپ گروپ کے سربراہ شیزو ولادمیر نے چیئرمین سینیٹ یوسف رضا گیلانی کا بھرپور استقبال کیا۔ دورے کے دوران چیئرمین سینیٹ روس میں اعلیٰ حکام سے اہم ملاقاتیں بھی کریں گے۔

یہ بھی پڑھیں: وزیراعلیٰ مریم نواز کی زیر صدارت محرم الحرام کے انتظامات کے حوالے سے خصوصی اجلاس، اہم فیصلے، فوری ہنگامی پلان طلب

چیئرمین سینیٹ کا انٹرویو

دورے پر روانگی سے قبل، چیئرمین سینیٹ نے سرکاری ٹی وی کو ایک انٹرویو بھی دیا، جس میں انہوں نے کہا: "ہمارے روس کے ساتھ پارلیمانی تعلقات بہت مضبوط ہیں۔ میں سپیکر فیڈریشن کونسل رشیا، ولنٹینا میٹوینکو کی دعوت پر روس جا رہا ہوں۔"

پاکستان کا دورہ

سید یوسف رضا گیلانی نے مزید کہا کہ سپیکر فیڈریشن کونسل رشیا، ولنٹینا میٹوینکو پاکستان کا دورہ کر کے پارلیمنٹ میں خطاب بھی کر چکی ہیں۔