پاک بھارت جنگ بندی، پوپ کا بیان بھی آگیا

پوپ لیو چہار دہم کا سیز فائر پر موقف

ویٹی کن سٹی (ڈیلی پاکستان آن لائن) پاکستان اور بھارت کے درمیان ہونے والے سیز فائر پر کیتھولک عیسائیوں کے روحانی پیشوا پوپ لیو چہار دہم کا موقف بھی آگیا۔

یہ بھی پڑھیں: پنجاب بھر میں دفعہ 144 نافذ

بھارت اور پاکستان کے درمیان جنگ بندی کا خیرمقدم

الجزیرہ کے مطابق رومن کیتھولک چرچ کے سربراہ منتخب ہونے کے بعد اپنے پہلے اتوار کے خطاب میں پوپ لیو چہار دہم نے بھارت اور پاکستان کے درمیان جنگ بندی کا خیرمقدم کیا ہے اور کہا ہے کہ وہ خدا سے دعا گو ہیں کہ وہ دنیا کو "امن کے معجزے" سے نوازے۔

عالمی طاقتوں سے اپیل

ویٹیکن کے سینٹ پیٹرز سکوائر میں لوگوں کے جم غفیر سے خطاب کرتے ہوئے پوپ نے دنیا کی بڑی طاقتوں سے "اب اور جنگ نہیں" کی اپیل کی اور غزہ پر اسرائیل کی جنگ میں جنگ بندی اور محصور علاقے میں قید تمام اسیروں کی رہائی کا مطالبہ کیا۔ پوپ لیو نے یوکرین میں "حقیقی اور پائیدار امن" کا بھی مطالبہ کیا۔