بجٹ میں تنخواہ دار طبقے کو ریلیف کی تجویز شامل، 50 ارب روپے تک فائدہ

آئندہ بجٹ کے لئے آئی ایم ایف سے مذاکرات

اسلام آباد(ڈیلی پاکستان آن لائن ) حکومت نے آئندہ بجٹ کے لئے آئی ایم ایف کے ساتھ مجوزہ ٹیکسیشن اقدامات کے اہم نکات پیش کردیئے۔

یہ بھی پڑھیں: بیٹے پر جادو ٹونے کا الزام، گینگ لیڈر کے ہاتھوں بزرگوں کا قتلِ عام، 184 افراد ہلاک

ٹیکس میں کمی کی تجویز

جنگ اور دی نیوز میں شائع مہتاب حیدر کی رپورٹ کے مطابق نکات میں مختلف انکم سلیب میں تنخواہ دار طبقے پر ٹیکس کا بوجھ 10 فیصد تک کم کرنا بھی شامل ہے۔ اگر آئی ایم ایف نے مجوزہ کمی پر اتفاق کیا تو آئندہ بجٹ میں انہیں 50 ارب روپے تک کا ریلیف مل سکتا ہے۔

یہ بھی پڑھیں: وائٹ ہاؤس میں کرسٹوفر کولمبس کا مجسمہ نصب، ٹرمپ پالیسی پر نئی بحث چھڑ گئی

مذاکرات کی تاریخیں

آئندہ بجٹ کو حتمی شکل دینے کے لئے آئی ایم ایف اور پاکستانی ٹیم 14 مئی سے 22 مئی تک مذاکرات کریں گے۔

ریلیف اقدامات اور اضافی ٹیکس

سرکاری ذرائع نے تصدیق کی ہے کہ حکومت نے بجٹ میں ریلیف اقدامات کے نتیجے میں محصولات کے نقصانات کی تلافی کے لئے اضافی ٹیکس اقدامات پر رضامندی ظاہر کی ہے۔