حنا پرویز بٹ نے بھارتی جارحیت کیخلاف فتح پر کیک کاٹا، پاک فوج کو زبردست خراجِ تحسین

حنا پرویز بٹ کا کیک کاٹنے کا تقریب

لاہور (ڈیلی پاکستان آن لائن ) پاکستان مسلم لیگ (ن) کی رکن پنجاب اسمبلی، حنا پرویز بٹ نے حالیہ پاک-بھارت جنگ میں پاکستان کی شاندار فتح کی خوشی میں کیک کاٹا اور پاک فوج کو خراجِ تحسین پیش کیا۔ انہوں نے یہ اظہارِ یکجہتی اور خوشی کی تقریب اپنے رہائشگاہ پر نجی طور پر منائی، تاہم انہوں نے کیک کاٹنے کی تصاویر اور ویڈیو سوشل میڈیا پر شیئر کر کے افواج پاکستان سے اپنی والہانہ محبت کا اظہار کیا۔

یہ بھی پڑھیں: سینیٹ کا اجلاس تین گھنٹے کی تاخیر کے بعد بالآخر شروع

پاکستانی قوم کا افواج پر فخر

اس موقع پر اپنے پیغام میں حنا پرویز بٹ نے کہا کہ پاکستانی قوم اپنی عظیم افواج کی قربانیوں اور بہادری پر فخر کرتی ہے۔ ہمارے جوانوں نے دشمن کے دانت کھٹے کر دیئے۔ ہماری پاک فوج نے ایک بار پھر ثابت کر دیا کہ وہ ملک کے دفاع کے لیے ہر لمحہ تیار ہے۔ ان کی جرأت، قربانی اور جذبۂ حب الوطنی کو سلام پیش کرتی ہوں۔

یہ بھی پڑھیں: امید ہے کل ہونے والے انتخابات پرامن، شفاف اور منصفانہ انداز میں منعقد ہوں تاکہ بنگلہ دیش کے عوام آزادانہ طور پر اپنے نمائندوں کا انتخاب کر سکیں، سراج الحق

کامیاب حکمت عملی کی تعریف

حنا پرویز بٹ نے دشمن کے خلاف پاکستانی افواج کی کامیاب حکمت عملی کو سراہتے ہوئے کہا کہ یہ فتح صرف میدان جنگ میں نہیں، بلکہ پوری قوم کے حوصلے کی جیت ہے۔