قلات اور گردونواح میں زلزلے کے جھٹکے

زلزلہ ریکارڈ

قلات(ڈیلی پاکستان آن لائن) بلوچستان کے ضلع قلات اور گردونواح میں 3 اعشاریہ صفر شدت کا زلزلہ ریکارڈ کیا گیا ہے، جس کے بعد لوگ گھروں اور دفاتر سے کلمہ طیبہ کا ورد کرتے ہوئے باہر نکل آئے۔

یہ بھی پڑھیں: پنجاب : مزید 19 شہروں میں سیف سٹی منصوبے کی توسیع کی منظوری

زلزلے کی تفصیلات

نجی ٹی وی سما نیوز کے مطابق زلزلہ پیمامرکز کے مطابق زلزلے کی شدت 3.0، گہرائی 11 کلومیٹر ہے۔ زلزلے کا مرکز قلات سے 35 کلومیٹر مشرق کی جانب تھا۔ زلزلے کے بعد علاقے میں خوف وہراس پھیل گیا، تاہم تاحال کسی جانی و مالی نقصان کی اطلاع موصول نہیں ہوئی۔

پچھلے زلزلے کی یاد دہانی

یاد رہے کہ گزشتہ روز بھی کوئٹہ اور اس کے گردونواح میں 4.9 شدت کے زلزلے کے جھٹکے محسوس کیے گئے تھے۔