پنجاب بھر کے سکولوں میں پاک فوج سے اظہار یکجہتی اور یوم تشکر منایا گیا، ننھے بچوں کی امن اور اپنے ہیروز کی سلامتی کے لیے دعائیں

پاکستان میں پاک فوج سے اظہار یکجہتی

لاہور(ڈیلی پاکستان آن لائن) وزیراعلیٰ پنجاب مریم نواز کی ہدایت پر پنجاب بھر کے سکولوں میں پاک فوج سے اظہار یکجہتی اور یوم تشکر منایا گیا۔

یہ بھی پڑھیں: پنجاب پبلک سروس کمیشن نے گزشتہ سال مختلف کوٹہ پر بھرتیوں کی تفصیل جاری کر دی

تعلیمی اداروں میں جشن کا سماں

پنجاب کے تعلیمی اداروں میں "آپریشن بنیان مرصوص" کی کامیابی پر جشن کا سماں تھا۔ طلباء نے پاک فوج کے سربراہ کی تصاویر بھی اٹھا رکھی تھیں اور ننھے بچوں نے یونیفارم پہن کر مارچ کیا۔ ننھی طالبات نے پاک فضائیہ کے جانبازوں کو خراج تحسین پیش کیا۔ طلباء نے افواج پاکستان کی جرأت اور شجاعت کو سلام پیش کیا۔

یہ بھی پڑھیں: چنار بزنس کانفرنس: پاکستان اور دبئی کے تعلقات باہم احترام پر قائم

قصور میں طلباء کی ریلی

قصور کے طلباء کی ریلی کی قیادت کرنے کے لیے صوبائی وزیر تعلیم رانا سکندر حیات خود پہنچ گئے۔ طلباء نے "پاکستان زندہ باد" اور "پاک فوج زندہ باد" کے نعرے لگائے۔ مصنوعی بارڈر پر مصنوعی جنگ کے روح پرور مناظر پیش کیے گئے، موک فائرنگ ہوئی اور دشمن کو بری طرح پچھاڑ دیا۔ طلباء نے دشمن سے مصنوعی جنگ جیتنے پر پیس پریڈ کرکے فتح کا جشن منایا۔ ننھے طلباء نے سرحدی گاؤں کے کچے گھروں کے ماڈل بھی بنائے۔ طلباء نے پاک فوج کی کامیابیوں کا تالیاں بجا کر خیرمقدم کیا۔ ننھی بچیوں نے قومی پرچم لہرائے اور "پاکستان زندہ باد" کے نعرے لگائے۔

طالبات کی جانب سے بینرز اور جلوس

طالبات نے پاک فوج کے حق میں بینرز اٹھا کر جلوس نکالے۔ پتوکی کے گرلز سکول کی طالبات نے مارچ کیا اور نعرے لگا کر پاک فوج کو خراج تحسین پیش کیا۔ طلباء نے پینٹنگ اور پوسٹر بنا کر پاک دھرتی سے محبت کا اظہار کیا۔ سکولوں میں جنگ کے علامتی سائرن بجائے گئے، بچوں نے قومی ترانے اور نغمے پیش کیے۔ ننھے بچوں نے امن اور اپنے ہیروز کی سلامتی کے لیے خصوصی دعائیں کیں۔ "آپریشن بنیان مرصوص" کے حوالے سے پوسٹر اور ڈرائنگ کے مقابلے بھی ہوئے۔ ننھے بچوں نے پراثر نغمے اور نظمیں بھی پیش کیں۔ ننھے طلباء نے پاک فوج کے سربراہ اور سپاہیوں کو محبت بھرے خط لکھے۔ سکول اسمبلی کے دوران بچوں نے "پاک فوج زندہ باد" کے نعرے لگائے اور گرمجوشی سے وطن عزیز سے محبت کا اظہار کیا۔