پاک بھارت لڑائی سے چینی ہتھیاروں کی ساکھ بن گئی، بلوم برگ نے بھی اعتراف کر لیا، پوری دنیا میں پاک افواج کی دھاک بیٹھ گئی

چین کے ہتھیاروں کی عالمی پذیرائی

لاہور(ڈیلی پاکستان آن لائن) عالمی جریدے 'بلوم برگ' نے اپنی رپورٹ میں انکشاف کیا ہے کہ چین کے ہتھیاروں کو نئی عالمی پذیرائی مل گئی ہے۔ پاک بھارت کشیدگی نے مغربی اسلحے کی برتری کو چیلنج کر دیا ہے۔

یہ بھی پڑھیں: لاہور، وزیر داخلہ محسن نقوی کا پاسپورٹ آفس گارڈن ٹاؤن کا اچانک دورہ ، ایجنٹ مافیا کیخلاف کریک ڈاؤن کا حکم ، شہریوں کو طویل انتظار کی زحمت سے نجات مل گئی

جنوبی ایشیا میں سیکیورٹی کا توازن

بلومبرگ کی رپورٹ کے مطابق حالیہ پاک بھارت تنازع نے نہ صرف جنوبی ایشیا میں سیکیورٹی کے توازن کو ہلا کر رکھ دیا ہے بلکہ عالمی سطح پر اسٹریٹجک ہتھیاروں کی سوچ میں بھی واضح تبدیلی پیدا کی ہے۔ چین کے تیار کردہ لڑاکا طیارے اور دفاعی نظام، جنہیں ماضی میں مغربی ہتھیاروں کے مقابلے میں کمتر سمجھا جاتا تھا، اب مؤثر ثابت ہو کر دنیا کی توجہ حاصل کر رہے ہیں۔

یہ بھی پڑھیں: سعودی عرب کے 150 سے زائد غاروں میں کون سے راز دفن ہیں؟

پاکستان کے تجربات اور پیغام

رپورٹ کے مطابق، پاکستان کی جانب سے استعمال کیے گئے چینی جنگی طیاروں اور میزائلوں نے نہ صرف بھارتی دفاعی نظام کو چیلنج کیا بلکہ یہ پیغام بھی دیا کہ بیجنگ کی عسکری برآمدات اب عالمی میدان میں بھرپور مقابلہ کر سکتی ہیں۔ مغربی ممالک میں جہاں چینی ہتھیاروں کو طویل عرصے سے کمتر سمجھا جاتا رہا، اب یہ سوچ بدلتی دکھائی دے رہی ہے۔

تشویش کی لہر

دفاعی تجزیہ کاروں کا کہنا ہے کہ اس کشیدگی نے چین کے ہتھیاروں کی مؤثریت کو نئے زاویے سے دنیا کے سامنے رکھا ہے جس سے خاص طور پر امریکہ اور اس کے اتحادی ممالک میں تشویش کی لہر دوڑ گئی ہے۔ اس پیش رفت کو چین کی دفاعی صنعت کے لیے ایک بڑی سفارتی اور تجارتی فتح سمجھا جا رہا ہے، کیونکہ اس کے بعد ایشیا، افریقہ اور مشرق وسطیٰ میں چینی اسلحہ مزید فروغ پا سکتا ہے۔