مودی کا شکریہ کہ اس نے ایک ایڈونچر سے پوری پاکستانی قوم کو یکجا کردیا: مصطفیٰ کمال

وفاقی وزیر صحت کی گفتگو

کراچی(ڈیلی پاکستان آن لائن) وفاقی وزیر صحت مصطفیٰ کمال کا کہنا ہے کہ بھارتی وزیر اعظم نریندر مودی کا شکریہ ادا کروں گا کیونکہ ان کے ایک ایڈونچر نے پاکستان میں سب کچھ بدل دیا۔

یہ بھی پڑھیں: بیرسٹر گوہر کی علیمہ خان پر انڈہ پھینکنے کے واقعہ کی مذمت، بانی کی فیملی کو فول پروف سکیورٹی دینے کا مطالبہ

پاکستان کی عظیم الشان فتح

نجی ٹی وی جیو نیوز کے مطابق، مصطفیٰ کمال نے میڈیا نمائندوں سے گفتگو کرتے ہوئے کہا کہ پاکستان کو اللہ نے عظیم الشان فتح دی ہے۔ انہوں نے کہا کہ پاکستان ہمیشہ امن چاہتا ہے، لیکن بھارت نے اسرائیل کے اکسانے پر اتنا کچھ کیا۔

یہ بھی پڑھیں: وزارت داخلہ کا 20 نئی گاڑیاں خریدنے کا فیصلہ

پاکستان کی فوج کی تعریف

وفاقی وزیر نے کہا کہ پاکستان نے کہا کہ پہلگام کے حملے کی تحقیقات کرائی جائے، انڈیا نے پاکستان پر ڈرون اور میزائل بھیجے۔ میں پاک فوج، نیوی اور فضائیہ کو سلام پیش کرتا ہوں۔ انہوں نے مزید کہا کہ پاکستان کے لوگ کرائسز کے وقت ایک ہو جاتے ہیں۔ ایسا نہیں ہے کہ اختلافات ختم ہو گئے، لیکن کوئی تو بات ہو گی جس پر سب متفق ہیں۔

یہ بھی پڑھیں: پاکستان میں سستی الیکٹرک گاڑیوں (EV) کے شوقین افراد کے لیے خوشخبری، CSMنے JMEV EV3 کی قیمتوں کا اعلان کر کے بجٹ ای وی سیگمنٹ میں ہلچل مچا دی

20 دنوں میں تبدیلی

مصطفیٰ کمال نے کہا، "میں مودی کا شکریہ ادا کروں گا کہ اس نے ایک ایڈونچر سے سب بدل دیا۔ 20 دن پہلے کا پاکستان اور آج کا پاکستان بالکل مختلف ہے۔"

یہ بھی پڑھیں: یحییٰ السنوار: غزہ میں ہلاک ہونے والے حماس کے رہنما کون تھے؟

ادویات اور علاج کی صورت حال

وفاقی وزیر نے کہا کہ کشیدگی کے دوران ہم نے ادویات اور خام چیزوں پر کام شروع کر دیا ہے، اور ڈریپ مکمل ڈیجیٹل ہو گیا ہے۔ انہوں نے مزید کہا کہ ایسا نہیں ہے کہ ہمارے ملک میں کسی چیز کا علاج ممکن نہ ہو، لوگوں کی چوائس ہوتی ہے کہ وہ کس ڈاکٹر پر اعتماد کرتے ہیں۔ حیدرآباد کے دونوں بچوں کا علاج جاری ہے۔

انڈیا کے حوالے سے بیان

ایک سوال کے جواب میں مصطفیٰ کمال نے کہا کہ انڈیا کی اوقات نہیں ہے کہ وہ پانی بند کرے، مودی نے امریکی صدر سے جنگ بندی کے لئے مدد مانگی۔