پاکستان کی حمایت کیوں کی؟ بھارت نے ترک ایوی ایشن کمپنی کے خلاف بڑا قدم اٹھا لیا

بھارت کا ترک ایوی ایشن کمپنی کے خلاف اقدام

نئی دہلی (مانیٹرنگ ڈیسک) پاکستان کی حمایت پر بھارت نے ترک ایوی ایشن کمپنی کے خلاف بڑا قدم اٹھا لیا۔

پاکستان کی حمایت اور بھارتی مہم

’’جنگ‘‘ کے مطابق پاکستان کی حمایت کرنے پر بھارت میں ترکیہ کے خلاف مہم جاری ہے۔ بھارتی میڈیا کے مطابق بھارت نے ترک ایوی ایشن کمپنی کی سیکیورٹی کلیئرنس منسوخ کردی۔ بھارتی حکومت نے سیکیورٹی کلیئرنس کی منسوخی کی وجہ قومی سلامتی مفاد بیان کی ہے۔

ترک ایوی ایشن کمپنی کی خدمات

واضح رہے کہ ترک ایوی ایشن کمپنی ’’چلیبی ایوی ایشن‘‘ نئی دہلی اور ممبئی سمیت بھارت کے 9 ہوائی اڈوں پر گراؤنڈ آپریشن کی سروسز فراہم کرتی تھی۔ بھارت میں گزشتہ روز ترک خبر رساں ادارے کا اکاؤنٹ بھی بند کر دیا گیا تھا۔

سوشل میڈیا پر بائیکاٹ کی مہم

یاد رہے کہ بھارتی سوشل میڈیا پر ترک مصنوعات کے بائیکاٹ کی مہم بھی چل رہی ہے。