وزیراعلیٰ کی ہدایت پر پنجاب بھر میں یوم تشکر اور معرکہ حق و باطل کی پروقار تقریبات شروع، مریم نواز نے پرچم کشائی کرکے آغاز کیا

یوم تشکر اور معرکہ حق وباطل کی تقریب

لاہور (ویب ڈیسک) وزیراعلی مریم نواز شریف کی ہدایت پر پنجاب بھر میں یوم تشکر ومعرکہ حق وباطل کی پروقار تقریبات شروع ہوگئی ہیں۔ وزیراعلی پنجاب مریم نواز شریف نے وزرا کے ہمراہ پرچم کشائی کرکے تقریبات کا باقاعدہ آغاز کیا۔ وزراء، مشیران معاونین خصوصی، اور اعلی صوبائی سرکاری افسران نے تقریب میں شرکت کی۔

یہ بھی پڑھیں: امریکا نے اسرائیل کو 18 کروڑ ڈالر مالیت کے انجن فروخت کرنے کی منظوری دیدی

تقریب کی تفصیلات

اس موقع پر پنجاب پولیس کے چاق وچوبند دستے نے پرچم سلامی پیش کیا، تقریب میں قومی ترانہ پیش کیا گیا، شہدا کو خراج تحسین پیش کیا گیا اور دعا بھی کی گئی۔

یہ بھی پڑھیں: بھارت تحریک آزادی کو بدنام کرنے کی کوشش کر رہا ہے، مقبوضہ کشمیر میں کل جماعتی حریت کانفرنس نے ہڑتال کی کال دیدی

عوام کی شرکت

وزیراعلی پنجاب مریم نواز شریف کی قیادت میں یوم تشکر ومعرکہ حق کی تقریبات میں عوام کی بھرپور شرکت رہی۔ نماز فجر میں خصوصی طور پر ملک وقوم کی سلامتی اور امن کے لئے دعائیں کی گئیں، جبکہ صوبہ بھر میں معرکہ حق ویوم تشکر کی تقریبات میں قرآن خوانی کا اہتمام کیا گیا۔

یہ بھی پڑھیں: سینیٹ انتخابات: ناراض پی ٹی آئی رہنماؤں اور علی امین گنڈاپور میں مذاکرات کا نتیجہ آ گیا

خصوصی دعائیں اور احترام

آپریشن بنیان مرصوص کے شہداء کرام کے لئے دعائے مغفرت اور درجات کی بلندی کی دعائیں کی گئی۔ بھارتی جارحیت کی وجہ سے زخمی ہونے والے شہریوں، افسروں اور جوانوں کی صحت یابی کے لئے بھی خصوصی دعائیں کی گئیں۔ اس موقع پر استحکام پاکستان اور ملک وقوم کی ترقی کے لئے مساجد میں خصوصی دعا کا اہتمام کیا گیا جبکہ صوبہ بھر میں شہدائے کے مزاروں پر پھول چڑھائے گئے اور سرکاری و نجی عمارتوں پر سبز ہلالی پرچم لہرائے گئے۔

یہ بھی پڑھیں: خواتین اور بچوں پر تشدد کرنیوالوں سے نرمی نہیں برتی جائے گی: گھریلو تشدد کی شکار 13سالہ بچی سے چیئرپرسن ویمن پروٹیکشن اتھارٹی کی ملاقات

تعلیمی اداروں کی تقریبات

صوبہ بھر میں سکولوں، کالجوں اور یونیورسٹیوں میں معرکہ حق ویوم تشکر کی خصوصی تقریبات کے ساتھ ساتھ افواج پاکستان کو خراج تحسین پیش کرنے کے لئے مخصوص ریلیاں نکالی جارہی ہیں۔

وزیراعلی کا پیغام

اس موقع پر مریم نواز نے کہا کہ "قوم کو فتح مبارک ہو، پاک فضائیہ کے دلیر اور جانباز شاہینوں نے متکبر دشمن کا غرور خاک میں ملا دیا۔ افواج پاکستان کی شاندار کامیابی اور فتح پر اللہ تعالیٰ کا شکر ادا کرتے ہیں۔ 'آپریشن بنیان مرصوص' نڈر لیڈرشپ، دلیر افواج پاکستان اور متحد قوم کے غیر متزلزل اتحاد کا مرہون منت ہے۔ ہم امن کے داعی ہیں مگر جارحیت کا منہ توڑ جواب دیں گے۔"