پاک بھارت ڈی جی ایم اوز کے روابط کے بعد بھارتی فوج کا بیان بھی سامنے آ گیا

جنگ بندی کے بعد بھارتی فوج کا بیان

نئی دہلی (ویب ڈیسک) پاکستان اور بھارت کے ڈائریکٹر جنرلز ملٹری آپریشنز (ڈی جی ایم اوز) کے درمیان جنگ بندی کے بعد بھارتی فوج کا اہم بیان سامنے آگیا۔

یہ بھی پڑھیں: تک ٹاکر سامعہ حجاب کو ہراساں کرنے والے ملزم حسن زاہد کیخلاف ایک اور مقدمہ درج

اعتماد سازی کے اقدامات

جیو نیوز کے مطابق بھارتی فوج نے اپنے بیان میں کہا ہے کہ بھارت اور پاکستان نے اعتماد سازی کے اقدامات جاری رکھنے کا فیصلہ کیا ہے۔ دونوں ممالک نے الرٹ کی سطح کم کرنے کے لیے یہ اقدامات جاری رکھنے کا فیصلہ کیا ہے۔

یہ بھی پڑھیں: بھارتی فلم سٹار رام چرن اور ان کی اہلیہ اپسانا کوئیڈالا کے ہاں جڑواں بچوں کی پیدائش

ہاٹ لائن رابطہ

یاد رہے کہ گزشتہ روز پاکستان اور بھارت کے ڈی جی ایم اوز کے درمیان ہاٹ لائن کے ذریعے رابطہ ہوا تھا جو دونوں ممالک کے درمیان سیزفائر کے بعد تیسرا رابطہ ہے۔

زمینی صورتحال پر تبادلہ خیال

ذرائع کا کہنا ہے کہ دونوں ڈی جی ایم اوز نے زمینی صورتحال پر تبادلہ خیال کیا۔ اگرچہ اس رابطے کی تفصیلات کسی بھی جانب سے منظرعام پر نہیں آئیں، تاہم باخبر ذرائع نے بتایا کہ دونوں ممالک نے سیزفائر برقرار رکھنے پر اتفاق کیا ہے اور سابقہ رابطے میں طے شدہ 'اسٹیٹس کو' کو برقرار رکھنے پر بھی بات چیت ہوئی ہے۔