دودھ کی دکان پر کام کرنے والے بچے کے ساتھ مسلسل جنسی زیادتی، پھر کیا ہوا؟ افسوسناک انکشاف
واقعہ کی تفصیلات
لاہور (ڈیلی پاکستان آن لائن) تھانہ ڈاہرانوالہ کی حدود میں دو اوباشوں نے نابالغ بچے کو مبینہ طور پر زیادتی کا نشانہ بنا ڈالا جس کا مقدمہ متاثرہ بچے کے والد کی مدعیت میں درج کر کے ملزمان کو گرفتار کر لیا گیا۔
یہ بھی پڑھیں: ویو نے اپنا Y29 لانچ کردیا
ذاتی معلومات
تفصیلات کے مطابق دو اوباشوں نے دودھ فروش کی دوکان پر مزدوری کرنے والے نابالغ بچے کو جنسی زیادتی کا نشانہ بنایا۔ ملزم حسن مجید دو ماہ قبل نابالغ بچے کو ورغلا پھسلا کر خالی دوکان میں لے گیا اور مبینہ طور پر بدفعلی کا نشانہ بنایا۔
یہ بھی پڑھیں: چودھری شجاعت حسین نے ملاقات کے دوران جس محبت اور مروت سے اپنی دلی خواہش کا اظہار کیا تھا میری جگہ کوئی دوسرا ہوتا تو فوراً خوشنودی حاصل کرتا
ماضی کے واقعات
درج ایف آئی آر کے مطابق ملزم اکثر اوقات بچے کو ورغلا پھسلا کر بدفعلی کرتا رہا۔ ایک دن ملزم اکبر علی نے متاثرہ بچے کے ساتھ زیادتی کرتے حسن مجید کو دیکھ لیا، جس کے بعد ملزم اکبر علی بھی بچے کو بلیک میل کرتا رہا کہ تمھاری ویڈیو میرے پاس ہے اور میں اسے وائرل کر دوں گا۔ ملزم اکبر علی نے بھی بچے کو دھمکی دے کر زیادتی کا نشانہ بنایا اور بلیک میل کر کے پیسے مانگتا رہا۔
پولیس کی کارروائی
ترجمان پولیس کے مطابق پولیس نے متاثرہ بچے کے والد کی مدعیت میں مقدمہ درج کر کے ملزمان کو گرفتار کر کے پابند سلاسل کردیا۔
