بائیکاٹ سے بچنے کیلئے عامر خان نے پی کے فلم والا ٹوٹکا آزما لیا

عامر خان کا نیا اقدام

ممبئی (آئی این پی) بالی ووڈ کے مسٹر پرفیکشنسٹ عامر خان نے اپنی آنے والی فلم ستارے زمین پر کے بائیکاٹ کے خوف سے ایک دلچسپ قدم اٹھایا ہے۔

یہ بھی پڑھیں: پاکستان میں بایولوجیکل ہتھیار پر پابندی عائد، بل سینیٹ سے منظور

سوشل میڈیا پر بھارتی پرچم

عامر خان کی پروڈکشن کمپنی عامر خان پروڈکشنز نے گزشتہ روز اپنے تمام سوشل میڈیا پلیٹ فارمز پر اچانک اپنی ڈسپلے پکچر (DP) کو تبدیل کرتے ہوئے بھارتی قومی پرچم لگا دیا، جس پر سوشل میڈیا صارفین اور ناقدین کی جانب سے مختلف آرا سامنے آ رہی ہیں۔ اب تک عامر خان کے پروڈکشن ہائوس کے آفیشل اکانٹس پر موجود A کے روایتی لوگو کی جگہ بھارتی پرچم کو لہراتے ہوئے دیکھا جا سکتا ہے۔

یہ بھی پڑھیں: یمنیٰ زیدی سب سے زیادہ ایوارڈز جیتنے والی اداکارہ بن گئیں

بحث کا موضوع

یہ تبدیلی بھارتی سیاسی و سماجی ماحول میں فوری طور پر بحث کا موضوع بن گئی۔ کچھ مداحوں نے اس تبدیلی کو عامر خان کی مشہور فلم پی کے کے ایک دلچسپ منظر سے جوڑتے ہوئے کہا کہ یہ بالکل ویسا ہی ہے جیسے فلم میں پی کے اپنے آپ کو بچانے کے لئے دونوں گالوں پر بھگوان کی تصویر والے اسٹیکرز لگا لیتا ہے۔

ماضی کی تنازعات

واضح رہے کہ عامر خان نے پاک-بھارت کشیدگی کے دوران آپریشن سندور کی حمایت میں تاخیر سے بیان دیا تھا، اور ماضی میں فلموں کی شوٹنگ کے دوران ترکیہ کا دورہ بھی کیا تھا۔