میوزیم ہمیں تہذیب، اقدار اور جدوجہد کی جھلک دکھاتے ہیں: وزیر اعلیٰ پنجاب کا عالمی دن پر پیغام

وزیرِ اعلیٰ پنجاب کا پیغام

لاہور (ڈیلی پاکستان آن لائن) وزیرِ اعلیٰ پنجاب مریم نواز نے عجائب گھر کے عالمی دن (International Museum Day) پر اپنے پیغام میں کہا ہے کہ عجائب گھر محض اینٹوں اور پتھروں کی عمارتیں نہیں بلکہ اقوام کی یادداشت، تہذیبی شعور و تاریخ کے محافظ ہوتے ہیں۔ عجائب گھر ماضی اور حال کے درمیان ایک پل ہیں۔ پنجاب کے میوزیم تاریخی و نایاب ذخائر اور دنیا کے مختلف خطوں کی ثقافت کے مراکز ہیں۔

ورثے کے تحفظ کی اہمیت

وزیراعلیٰ مریم نواز نے کہا کہ اُن تمام افراد کو خراجِ تحسین پیش کرتے ہیں جو ورثے کے تحفظ، تحقیق میں اپنا کردار ادا کر رہے ہیں۔ میوزیم ہمیں اپنی تہذیب، فنون، اقدار اور جدوجہد کی جھلک دکھاتے ہیں۔