امریکہ میں سفیر پاکستان کا دورہ کیلیفورنیا، بزنس لیڈرز اور کمیونٹی شخصیات سے ملاقات

سفیر پاکستان کا دورہ کیلیفورنیا

کیلیفورنیا (ڈیلی پاکستان آن لائن) امریکہ میں سفیر پاکستان رضوان سعید شیخ ریاست کیلیفورنیا کے دورے پر ہیں جہاں ان کی منتخب رہنماو¿ں، بزنس لیڈرز اور کمیونٹی شخصیات سے ملاقات ہوئی ہے۔

یہ بھی پڑھیں: وہاڑی: انوار آباد کے قریب چھوٹا طیارہ گر کر تباہ

ملاقات کا مقصود

نجی ٹی وی جیو نیوز کے مطابق رضوان سعید شیخ نے کیلیفورنیا کے سینیٹر باب آرچولیٹا سے لاس اینجلس میں ملاقات کی۔ اس ملاقات میں پاکستان اور امریکہ کے دو طرفہ تعاون کو مزید فروغ دینے کے امکانات پر تبادلہ خیال کیا گیا۔ اس موقع پر امریکن پاکستانی مئیر آرٹیشیا علی سجاد بھی موجود تھے۔

یہ بھی پڑھیں: پنجاب سیف جیل منصوبے پر عملدرآمد کا آغاز، 5 ارب روپے کی لاگت سے جدید کیمرے اور باڈی سکینرز نصب ہوں گے۔

استقبالیہ تقریب

پاکستان امریکن چیمبرز آف کامرس کی جانب سے سفیر پاکستان کے اعزاز میں استقبالیہ دیا گیا۔ اس تقریب میں پاکستانی-امریکی کاروباری برادری کے ممتاز اراکین اور مختلف شعبوں، جیسے ٹیکنالوجی، لاجسٹکس، ملبوسات، خوراک و مشروبات، تعمیرات، اور وینچر کیپیٹل سے تعلق رکھنے والے کاروباری رہنماﺅں نے شرکت کی۔

یہ بھی پڑھیں: یہ اکبر بادشاہ کی عدالت نہیں، ہم جو درخواست دیتے ہیں آپ ریجیکٹ کر دیتے ہیں، وکیل علی امین گنڈاپور کا جج سے مکالمہ

پاکستانی قونصلیٹ کی موجودگی

لاس اینجلس میں پاکستان کے قونصل جنرل عاصم علی خان اور ٹریڈ اینڈ انویسٹمنٹ قونصلر قرہ العین بھی اس موقع پر موجود تھیں۔

سفیر پاکستان کا خطاب

اس موقع پر خطاب میں سفیر پاکستان نے کہا کہ امریکہ پاکستان کی سب سے بڑی برآمدی منڈی ہے۔ 2024 میں دوطرفہ تجارت کا حجم 7.5 بلین امریکی ڈالر تھا، اور پاکستان کی امریکہ کو برآمدات اس کی عالمی ترسیل کا تقریباً 20 فیصد ہیں۔ انہوں نے تجارت کے حجم کو مزید وسعت دینے کے لئے حکومت کے عزم کا اعادہ کیا۔