وفاقی اور خیبر پختونخوا حکومت میں معاملات طے پا گئے
وفاقی حکومت اور خیبرپختونخوا حکومت کے درمیان معاملات طے
اسلام آباد(ڈیلی پاکستان آن لائن) وفاقی حکومت اور خیبرپختونخوا حکومت کے درمیان این ایف سی ایوارڈ پر معاملات طے پا گئے۔ جیو نیوز کے مطابق اگست میں این ایف سی ایوارڈ پر نظرثانی ہوگی، تمام صوبوں کو خطوط جاری کر دیے گئے ہیں۔
یہ بھی پڑھیں: اسلام آباد یونائیٹڈ کے پلے آف مرحلے میں ایلکس ہیلز کے ٹیم کو چھوڑ کر جانے کی وجہ سامنے آگئی
وزیراعلیٰ خیبرپختونخوا کی جانب سے نوٹیفکیشن
وزیراعلیٰ خیبرپختونخوا علی امین گنڈاپور نے این ایف سی نظرثانی معاملے پر ممبر کا نوٹی فکیشن بھی کر دیا ہے۔ خیبرپختونخوا سے این ایف سی پر نظرثانی کے لیے ممبر کا نام مانگا گیا تھا۔
پیش رفت کی تصدیق
وزیراعلیٰ خیبرپختونخوا علی امین گنڈاپور نے تصدیق کی ہے کہ این ایف سی ایوارڈ سمیت خیبرپختونخوا کے متعدد معاملات پر پیش رفت ہوئی ہے، این ایف سی سمیت سی سی آئی میں جو معاملات رکھے تھے انہیں منوایا ہے۔
