آپریشن سندور پر تبصرہ کرنے والے بھارتی پروفیسر علی خان محمود آباد کون ہیں اور اس وقت کس حال میں ہیں ۔۔؟ اہم تفصیلات سامنے آ گئیں۔

پروفیسر علی خان محمود آباد کا تعارف

نئی دہلی (مانیٹرنگ ڈیسک) ’’آپریشن سندور‘‘ پر تبصرہ کرنے والے بھارتی پروفیسر علی خان محمود آباد کون ہیں اور اس وقت کس حال میں ہیں؟ اہم تفصیلات سامنے آگئیں۔
علی خان محمود آباد بھارتی ریاست ہریانہ کی اشوکا یونیورسٹی کے شعبہ سیاسیات کے سربراہ ہیں اور بانی پاکستان قائد اعظم محمد علی جناح کے قریبی ساتھی، تحریک پاکستان کے صف اول کے رہنما اور تحریک پاکستان کے لیے بڑے پیمانے پر مالی وسائل فراہم کرنے والے راجہ صاحب محمود آباد (محمد امیر احمد خان) کے پوتے ہیں۔ راجہ صاحب محمود آباد کا اکتوبر 1973 میں لندن میں انتقال ہوا اور وہ مشہد میں امام رضا کے مزار کے قریب مدفون ہیں۔ جبکہ کراچی کا علاقہ محمود آباد انہی کے نام پر رکھا گیا ہے.

یہ بھی پڑھیں: عالمی ایٹمی توانائی ایجنسی کے سربراہ بدھ کو ایران کا دورہ کریں گے

عدالتی کارروائی

’’جنگ‘‘ کے مطابق پروفیسر علی خان محمود آباد کو سونی پت کی ضلعی عدالت نے جوڈیشل کسٹڈی میں دیدیا ہے۔ عدالت نے آئندہ سماعت کی تاریخ 27 مئی مقرر کی ہے۔ کیس کے حوالے سے ان کے وکلاء میں سے ایک، کپل بلیان نے کہا کہ پروفیسر علی خان محمود آباد کو 2 روزہ پولیس ریمانڈ ختم ہونے پر عدالت کے سامنے پیش کیا گیا تھا اور پولیس نے ریمانڈ میں مزید 7 روز کی توسیع کی درخواست کی تھی۔ تاہم عدالت نے انھیں جوڈیشل کسٹڈی میں دیدیا.

یہ بھی پڑھیں: 190ملین پاؤنڈ ریفرنس کا فیصلہ کب سنایا جائے گا، احتساب عدالت سے اہم خبر آ گئی

سپریم کورٹ میں درخواست

علاوہ ازیں پروفیسر علی خان نے اپنی گرفتاری کے خلاف بھارتی سپریم کورٹ میں پٹیشن دائر کی ہے جس پر گزشتہ روز عدالت نے تسلیم کیا کہ اس کی فوری سماعت ہونی چاہیے۔ ان کے وکیل کپل سبل نے کہا کہ عدالت آئندہ 2 روز میں سماعت کرے گی۔ ان کی گرفتاری بی جے پی کے ایک لیڈر کی شکایت پر عمل میں آئی.

یہ بھی پڑھیں: اگر ایمان ہے تو بغیر تلوار کے بھی لڑتا ہے، سپاہی

سوشل میڈیا پر تبصرہ

یاد رہے کہ پروفیسر علی خان کو’’ آپریشن سندور‘‘ کے بارے میں سوشل میڈیا پر تبصرہ کرنے کے الزام میں چند روز قبل دہلی پولیس نے ان کی رہائش گاہ واقع گریٹر کیلاش سے گرفتار کرکے سونی پت پولیس کے حوالے کیا تھا.

فیکلٹی ایسوسی ایشن کا بیان

اشوکا یونیورسٹی کے فیکلٹی ایسوسی ایشن نے پروفیسر علی خان کا دفاع کرتے ہوئے ایک بیان میں ان کی گرفتاری کی مذمت کی اور ان پر لگائے گئے الزامات کو بے بنیاد اور ناقابل قبول قرار دیا اور کہا کہ وہ ایک انتہائی ذمہ دار شہری، قابل بھروسہ انسان اور طلباء دوست ہیں.