امریکا میں جدید طرز کا فضائی دفاعی نظام ’گولڈن ڈوم‘ کی تنصیب کا فیصلہ

امریکی صدر کا فضائی دفاعی نظام کا اعلان

واشنگٹن (ڈیلی پاکستان آن لائن) امریکی صدر ڈونلڈ ٹرمپ نے امریکا میں جدید طرز کا فضائی دفاعی نظام 'گولڈن ڈوم' کی تنصیب کا فیصلہ کیا ہے۔

یہ بھی پڑھیں: مقبوضہ کشمیر کے علاقے پہلگام میں 28 سیاحوں کے قتل پر پاکستان کا اظہار افسوس

نئے میزائل دفاعی نظام کی تفصیلات

نجی ٹی وی چینل دنیا نیوز کے مطابق امریکی صدر ڈونلڈ ٹرمپ نے میڈیا سے گفتگو کرتے ہوئے نئے میزائل دفاعی نظام 'گولڈن ڈوم' کے منصوبے کا اعلان کیا اور کہا کہ یہ نظام میری دوسری مدت صدارت کے اختتام تک فعال ہوجانا چاہیے۔

یہ بھی پڑھیں: داستان گوئی پراجیکٹ کے آغاز کا فیصلہ

امریکی ٹیکنالوجی کی برتری

ان کا کہنا تھا کہ امریکا کی ٹیکنالوجی اسرائیل سے زیادہ جدید ہے۔ یہ دفاعی نظام زمین اور فضا سے کسی بھی میزائل حملے کو روکے گا۔ گولڈن ڈوم دفاعی نظام پر 175 ارب ڈالر خرچ ہوں گے، جبکہ دفاعی بل میں اس کے لیے 25 ارب ڈالر شامل ہوں گے۔ اس نظام کے لیے ہر چیز امریکا میں بنائی جائے گی، اور سپیس آپریشنز کے نائب سربراہ جنرل مائیکل اس منصوبے کی قیادت کریں گے۔

یہ بھی پڑھیں: وزیرِ اعلیٰ پنجاب کا سابق چیئرمین سینیٹ صادق سنجرانی کے والد کے انتقال پر افسوس کا اظہار

گولڈن ڈوم کی خصوصیات

امریکی صدر نے بتایا کہ گولڈن ڈوم دفاعی نظام کے کچھ حصے زمین کے گرد مدار میں بھی ہوں گے۔ اس نظام میں سیٹیلائیٹ ٹریکنگ اور سپیس انٹرسیپٹرز بھی شامل ہوں گے، جو خلا سے داغے گئے میزائلوں کو بھی مارگرانے کے قابل ہوگا۔

یہ بھی پڑھیں: وفاقی وزیر قومی غذائی تحفظ و تحقیق رانا تنویر حسین سے امریکہ کی قائم مقام سفیر نٹالی اے۔ بیکر کی ملاقات

کینیڈا کا کردار

ڈونلڈ ٹرمپ نے کہا کہ کینیڈا گولڈن ڈوم میزائل دفاعی نظام کا حصہ بننا چاہتا ہے اور امریکا اس حوالے سے کینیڈا کی مدد بھی کرے گا۔

پینٹاگون کا بیان

دوسری جانب امریکی محکمہ دفاع پینٹاگون کے سربراہ نے بتایا کہ گولڈن ڈوم کا مقصد کروز، بیلسٹک، ہائپرسونک میزائلوں سے وطن کی حفاظت کرنا ہے چاہے وہ روایتی ہوں یا جوہری۔