پختونخوا: گھر کے سربراہ کے انتقال پر مالی امداد دی جائیگی، لائف انشورنس سکیم منظور

خیبر پختونخوا حکومت کی جانب سے لائف انشورنس سکیم کی منظوری

پشاور(ڈیلی پاکستان آن لائن) خیبر پختونخوا حکومت نے شہریوں کے لئے لائف انشورنس سکیم کی منظوری دے دی۔

سکیم کی تفصیلات

نجی ٹی وی جیو نیوز نے مشیر اطلاعات کے پی بیرسٹر سیف کے حوالے سے بتایا کہ صوبائی حکومت نے لائف انشورنس سکیم متعارف کرانے کی منظوری دی ہے جس پر سالانہ 4.5 ارب روپے لاگت آئے گی۔

مالی امداد کا نظام

مشیر اطلاعات نے بتایا کہ گھر کے سربراہ کے انتقال پر لواحقین کو فوری مالی امداد فراہم کی جائے گی۔

رقم کی تقسیم

بیرسٹر سیف نے کہا کہ 60 سال سے کم عمر گھر کے سربراہ کے لواحقین کو 10 لاکھ روپے دیے جائیں گے اور 60 سال سے زیادہ عمر میں وفات پانے والوں کے لواحقین کو 5 لاکھ روپے دیے جائیں گے۔