جرائم کی روک تھام کے لیے حکومت پنجاب کا بڑا فیصلہ، تمام گیسٹ ہاؤسز کے لیے نیا حکم آ گیا

وزیر اعلیٰ پنجاب کا فیصلہ

لاہور (ڈیلی پاکستان آن لائن) وزیراعلیٰ پنجاب کے وژن "محفوظ پنجاب" کو عملی جامہ پہنانے کیلئے اور جرائم کی روک تھام کیلئے حکومت پنجاب کا بڑا فیصلہ، محکمہ داخلہ نے تمام گیسٹ ہاؤسز کیلئے ’’Hotel Eye‘‘ سافٹ وئیر میں اندراج لازمی قرار دیدیا۔

یہ بھی پڑھیں: سپین میں طوفانی بارشوں سے 202 ہلاک، سینکڑوں افراد لاپتہ

جرائم کی روک تھام کے اقدامات

ترجمان محکمہ داخلہ پنجاب کے مطابق یہ فیصلہ دہشت گردی، جرائم اور غیر قانونی سرگرمیوں کی روک تھام کیلئے کیا گیا۔ فیصلے کے مطابق صوبہ بھر کے نجی گیسٹ ہاؤسز میں قیام کرنے والے افراد کا ڈیٹا "ہوٹل آئی" میں درج کرنا ہوگا۔ ملکی اور غیر ملکی رہائشیوں کی ڈیجیٹل تصدیق سے جرائم کے خاتمے میں مدد ملے گی۔

یہ بھی پڑھیں: آئندہ ہفتے ججز بڑھانے کا حکومتی بل ضرور آئے گا: بیرسٹر عقیل

رجسٹریشن کا عمل

محکمہ داخلہ پنجاب نے تمام گیسٹ ہاؤسز اور رہائشی خدمات مہیا کرنے والوں کی رجسٹریشن کیلئے آن لائن پورٹل http://hoteleye.punjab.gov.pk جاری کرتے ہوئے رجسٹریشن کا آغاز کر دیا ہے۔ نجی گیسٹ ہاؤسز کے مالکان اس پورٹل پر اپنے لاگ ان سے مہمانوں کی معلومات فراہم کریں گے۔ محکمہ داخلہ پنجاب نے ’’ہوٹل آئی‘‘ پر رجسٹریشن کیلئے 15 جون 2025 تک کی ڈیڈ لائن دی ہے۔

یہ بھی پڑھیں: طلبا و طالبات کے لیے خوشخبری، وزیراعظم یوتھ لیپ ٹاپ سکیم کی رجسٹریشن کا آغاز ہوگیا

آن لائن بکنگ سے آگاہی

یاد رہے کہ دنیا بھر میں چلنے والی آن لائن بکنگ ایپلیکیشنز سے بکنگ کروانے والوں کی بھی گیسٹ ہاؤس میں آمد پر ہوٹل آئی سافٹ ویئر پر رجسٹریشن کروانا ہوگی۔ رجسٹریشن نہ کروانے والے گیسٹ ہاؤسز کیخلاف ’’پنجاب انفارمیشن آف ٹمپریری ریذیڈنس ایکٹ 2015‘‘ کے تحت کاروائی ہوگی۔ اس سے قبل پنجاب میں صرف رجسٹرڈ ہوٹلز ہی ’’ہوٹل آئی‘‘ سافٹ وئیر سے منسلک تھے۔

سیکیورٹی میں اضافہ

ترجمان محکمہ داخلہ پنجاب نے بتایا کہ بیرون ملک اور اندرون ملک سے متعدد افراد پنجاب کے گیسٹ ہاؤسز میں قیام کرتے ہیں۔ رہائشیوں کی ڈیجیٹل تصدیق سے جرائم پیشہ عناصر پر شکنجہ مضبوط ہوگا اور امن و امان کے قیام میں مدد ملے گی۔