وفاقی محتسب کا لاہور آفس کا دورہ، ریجنل ہیڈز کو فیصلوں کا معیار بہتر بنانے کا حکم
وفاقی محتسب کا ریجنل آفس لاہور کا دورہ
لاہور (طیبہ بخاری سے) وفاقی محتسب اعجاز احمد قریشی نے ریجنل آفس لاہور کا دورہ کیا اور ریجنل آفس لاہور، فیصل آباد، سرگودھا، ساہیوال اور گوجرانوالہ کے ریجنل ہیڈز سے ملاقات کی۔ وفاقی محتسب نے افسران کی کارکردگی کو سراہا۔
یہ بھی پڑھیں: بشریٰ انصاری نے سردیوں میں خشک جلد کو نرم و ملائم اور چمکدار رکھنے کا آسان نسخہ بتا دیا
ریجنل ہیڈز کی بریفنگ
بعد ازاں تمام ریجنل ہیڈز نے اپنے ریجنل آفسز کی کارکردگی کے بارے میں بریفنگ دی۔
یہ بھی پڑھیں: چوہدری شفقت محمود کو دو سال کے لیے صدر اور چوہدری عبدالخالق لک کو سکریٹری جنرل پاکستان انوسٹرز فورم نامزد کیا گیا
افسران کے لئے ہدایات
وفاقی محتسب نے افسران کو ہدایات جاری کیں کہ وہ فیصلوں پر عمل درآمد کو ہر ممکن کوشش کر کے یقینی بنائیں اور عمل درآمد کے مرحلے میں حائل رکاوٹوں کو جلد از جلد دور کریں۔
فیصلوں کے معیار میں بہتری
وفاقی محتسب نے اس بات پر زور دیا کہ افسران فیصلوں کے معیار کو بہتر بنائیں تاکہ فیصلوں پر بروقت عمل درآمد کروایا جا سکے اور عوام کے مسائل کا بروقت حل ممکن بنایا جا سکے۔
