بھارت بی ایل اے کو خونریزی کا پیسہ دیتا ہے: وزیر دفاع

بھارت کی پراکسی کے طور پر بی ایل اے کا کردار

اسلام آباد (ویب ڈیسک) وزیردفاع خواجہ آصف نے کہا ہےکہ کالعدم بلوچ لبریشن آرمی (بی ایل اے) بھارت کی پراکسی کے طورپر لڑرہی ہے اور بھارت ان کو خونریزی کا پیسہ دیتا ہے۔

یہ بھی پڑھیں: پنجاب میں پی ٹی آئی دور میں سالڈ ویسٹ مینجمنٹ کیلئے 310 گاڑیوں کی خلاف ضابطہ خریداری کا انکشاف

دہشتگردوں کے خلاف طاقتور جواب دینے کا وعدہ

نجی ٹی وی کے پروگرام میں بات کرتے ہوئے خواجہ آصف نے کہا کہ ہم دہشتگردوں کو پوری قوت سے جواب دیں گے، اس قسم کے واقعات کے بعد ایسی تحریکیں مقبولیت کھودیتی ہیں۔

یہ بھی پڑھیں: ترمیم کا مقصد فیلڈ مارشل کے عہدے کو تحفظ دینا اور فیصلہ سازی میں ان کا کردار بڑھانا ہے، محسن بیگ

بے دفاع لوگوں کا نشانہ بنانا غیر انسانی عمل

انہوں نے کہا کہ بچوں اور عورتیں سمیت اپنا دفاع نہ کرسکنے والے لوگوں کو نشانہ بنایا جائے تو ایسا کرنے والی تحریک کی مذمت ہوتی ہے اور اُس کا زور ٹوٹ جاتا ہے۔

ثبوت کے ساتھ بیان کردہ حقائق

وزیردفاع نے مزید کہا کہ بی ایل اے بھارت کی پراکسی کے طورپر لڑرہی ہے، بھارت اُن کو پیسہ دیتا ہے اور وہ یہاں خونریزی کرتے ہیں، ہم جو کہہ رہے ہیں اُسے ثابت بھی کرینگے، یہ صرف باتیں نہیں ہیں۔