کوٹری، تین بچوں کی ماں سے شادی نہ ہونے پر نوجوان نے دریا میں چھلانگ لگا دی

کوٹری میں افسوسناک واقعہ

کوٹری (ڈیلی پاکستان آن لائن) ایک نوجوان نے پسند کی شادی نہ ہونے پر دل برداشتہ ہو کر دریائے سندھ میں چھلانگ لگا دی۔ واقعے کے بعد ریسکیو 1122 کے غوطہ خوروں نے فوری طور پر تلاش کا عمل شروع کر دیا ہے۔

یہ بھی پڑھیں: اسرائیل نے معاشی اور توانائی انفراسٹرکچر پر حملہ کیا تو فوری ردعمل دیں گے: ایرانی وزیر خارجہ

نوجوان کی شناخت

نجی ٹی وی چینل ایکسپریس نیوز کے مطابق ریسکیو ذرائع کا کہنا ہے کہ چھلانگ لگانے والے نوجوان کی شناخت فرید خان ولد فرقان خان کے طور پر ہوئی ہے۔ عینی شاہدین کا کہنا ہے کہ فرید خان اپنے والد کے ساتھ موٹرسائیکل پر اپنے گھر، خدا کی بستی کوٹری، جا رہا تھا۔ جیسے ہی وہ کوٹری پل پر پہنچا، نوجوان نے اچانک موٹرسائیکل سے اتر کر دریائے سندھ میں چھلانگ لگا دی۔

یہ بھی پڑھیں: جیسے ہی اصل امتحان آتا ہے، گنڈا پور میدان چھوڑ کر بھاگ جاتا ہے:عظمیٰ بخاری

والد کی بیان

نوجوان کے والد نے بتایا کہ فرید خان تین بچوں کی ماں سے محبت کرتا تھا اور مسلسل اس سے شادی کے لیے اصرار کر رہا تھا۔ واپسی کے دوران بھی دونوں کے درمیان اسی معاملے پر بحث جاری تھی۔ واقعے کی اطلاع ملتے ہی کوٹری پولیس بھی موقع پر پہنچ گئی اور ریسکیو ٹیم کے ساتھ مل کر مزید کارروائی میں مصروف ہے۔

تلاش کا عمل جاری

غوطہ خوروں کی جانب سے دریائے سندھ میں نوجوان کی تلاش کا عمل جاری ہے، تاہم اس کا سراغ ابھی تک نہیں لگایا جا سکا۔