ن لیگ کی اوورسیز تنظیمیں پارٹی کو مضبوط بنانے کے لئے اہم کردار ادا کر سکتی ہیں: میاں نصیر احمد

دبئی ( طاہرمنیر طاہر )  پاکستان مسلم لیگ (ن) کی اوورسیز تنظیمیں  پارٹی کو مضبوط بنانے کے لئے اہم کردار  ادا کر سکتی ہیں۔  اوورسیز  تنظیموں کی وجہ سے پاکستان میں ن لیگ کو کافی سپورٹ ملتی ہے۔ لہذا، ضروری ہے کہ اوورسیز تنظیمیں پارٹی کاز  کو  آگے بڑھانے کے لیے آپس میں مل جل کر کام کریں۔ ان خیالات کا اظہار پاکستان مسلم لیگ (ن) ساؤتھ افریقہ کے صدر میاں نصیر احمد نے اپنے دورہ پرتگال کے دوران کیا۔

یہ بھی پڑھیں: جے یو آئی ایف نے پی ٹی آئی سے اتحاد سے معذرت کر لی۔

میاں نصیر احمد کا پیغام

اپنے اعزاز میں دئیے گئے عشائیہ میں بات چیت کرتے ہوئے میاں نصیر احمد نے کہا کہ عصر حاضر میں ن لیگ کے قائد محمد نواز شریف کے بیانیے کو آگے بڑھانے اور ن لیگ کی ترویج و اشاعت کی ضرورت ہے۔ اس کے لیے ن لیگ کی اوورسیز تنظیمیں پارٹی کو مضبوط بنانے کے لئے اہم کردار  ادا کر سکتی ہیں۔ میاں نصیر احمد کی پرتگال آمد پر پاکستان مسلم لیگ (ن) پرتگال کے جنرل سیکرٹری سرفراز فرانسیس وکی، پی ایم ایل (ن) پرتگال کے چیئرمین محمد سہیل جرال اور دیگر پارٹی کارکنوں نے ان کا  پرتپاک خیرمقدم اور ان کے اعزاز میں  عشائیہ کا اہتمام کیا۔

اتحاد اور یکجہتی کا مظہر

اس موقع پر سرفراز فرانسیس وکی اور محمد سہیل جرال نے کہا کہ میاں نصیر احمد سے  ملاقات نہ صرف بھائی چارے اور پارٹی کے باہمی روابط کو مضبوط کرنے کا مظہر تھی بلکہ بیرون ملک مقیم پاکستانیوں کے اتحاد اور یکجہتی کی عکاسی بھی کرتی ہے۔