تاریخی شکست پر بھارتی سیاست میں بھونچال، کانگریس کے مودی سرکار اور بھارتی فوج پر تابڑ توڑ حملے، ’’جنگی سوچ‘‘ کو ناکام قرار دیدیا

بھارتی افواج کی تاریخی شکست

لاہور (خصوصی رپورٹ) ’’معرکہ بنیان مرصوص‘‘ میں کانگریس نے بھارت کی عبرتناک شکست تسلیم کر لی۔

یہ بھی پڑھیں: چیف ایگزیکٹو لیسکو انجینئر محمد رمضان بٹ نے ہر قسم کی غیر اعلانیہ لوڈ شیڈنگ اور غیر ضروری شٹ ڈاؤن سے منع کردیا

بھارتی سیاست میں زلزلہ

تفصیلات کے مطابق ’’آپریشن بنیان مرصوص‘‘ میں بھارتی افواج کی تاریخی شکست پر بھارتی سیاست میں بھونچال آ چکا ہے۔ بھارت کی ذلت آمیز شکست پر کانگریس ایم ایل اے وجے واڈیٹیوار نے مودی سرکار اور بھارتی فوج پر تابڑ توڑ حملے کر دیئے۔ کانگریس رہنما نے مہنگی دفاعی خریداری اور بوسیدہ حکمت عملی پر مودی سرکار پر زوردار وار کیا ہے۔

یہ بھی پڑھیں: تحریک انصاف کو نقصان کا امکان، کتنی نشستوں سے ہاتھ دھونا پڑ سکتے ہیں؟ جانیے

مودی کی جنگی حکمت عملی پر سوالات

کانگریس ایم ایل اے نے مودی کی ’’جنگی سوچ‘‘ کو ناکام قرار دیتے ہوئے کہا کہ ’’پاکستان نے سستے ڈرونز بھارت بھیجے، بھارت نے اربوں جھونک دیئے۔ چین نے پاکستان کو 5 ہزار ڈرونز دے کر بھارت کی کمزوری بے نقاب کر دی، مودی سرکار اربوں جھونکتی رہی۔ مودی سرکار نے 15 ہزار کے ڈرون گرانے کے لیے 15 لاکھ کا میزائل فائر کیا، مودی سرکار کی جنگی حکمت عملی مکمل طور پر ناکام، 5 ہزار سستے پاکستانی ڈرونز کے سامنے بھارتی دفاع بےبس رہا۔ پاکستان نے کم لاگت میں حملہ کیا، بھارت نے عوام کے ٹیکس کا پیسہ بےدریغ ضائع کیا۔‘‘

یہ بھی پڑھیں: ایف آئی اے نے ایئرپورٹس پر مسافروں کو آف لوڈ کرنے کے حوالے سے سوشل میڈیا پر جاری پروپیگنڈا کو بے بنیاد قرار دے دیا

رافعیل طیاروں کا نقصان اور مودی سرکار کی خاموشی

کانگریس ایم ایل اے وجے واڈیٹیوار کا یہ بھی کہنا تھا کہ ’’پاکستان نے بھارت کے 3 سے 4 رافیل طیارے تباہ کر دئیے، مگر مودی سرکار کی مجرمانہ خاموشی بدستور برقرار ہے۔‘‘ انہوں نے مزید کہا کہ ’’رافیل سودے پر نعرے تھے، اب نقصان چھپایا کیوں جا رہا ہے؟‘‘

دفاعی ماہرین کی رائے

کانگریس ایم ایل اے کے اس بیان پر دفاعی ماہرین نے کہا ہے کہ مودی کی خود پسندی نے قومی سلامتی داؤ پر لگا دی۔ صرف مہنگے ہتھیار کافی نہیں، بھارتی حکمت عملی مکمل طور پر ناکام ہو چکی ہے۔