ریکھا مجھ سے حسد کرتی اور میرے کردار چھیننے کی کوشش کرتی تھی” موسمی چیٹرجی کا دعویٰ

موسمی چیٹرجی کا ریکھا کے ساتھ تعلق

ممبئی (ڈیلی پاکستان آن لائن) بالی ووڈ کی معروف اداکارہ موسمی چیٹرجی نے ایک انٹرویو میں دعویٰ کیا ہے کہ ان کے اور ریکھا کے درمیان تعلقات خوشگوار نہیں تھے۔ انہوں نے بتایا کہ ریکھا ان سے حسد کرتی تھیں اور ان کے کردار پر نظر رکھتی تھیں۔ موسمی کے مطابق ریکھا کو لگتا تھا کہ وہ ونود مہرا کی زندگی پر اثر انداز ہو رہی ہیں، جس کی وجہ سے ان کے رویے میں کھچاؤ تھا۔

یہ بھی پڑھیں: راولپنڈی میں آسمانی بجلی گر گئی: بھارتی میڈیا کا وہ کلپ جسے دیکھ کر کرکٹ فینز ہنس ہنس کر لوٹ پوٹ ہو جائیں گے

سیٹ پر ریکھا کا رویہ

انڈیا ڈاٹ کام کے مطابق موسمی نے بتایا کہ فلموں کے سیٹ پر ریکھا ان سے اجتناب برتتی تھیں اور بعض اوقات طنزیہ انداز اپناتی تھیں۔ انہوں نے ایک واقعے کا ذکر کیا جب ریکھا کو براہ راست مخاطب کیا تو وہ گھبرا گئیں۔ ایک اور موقع پر فلم ’پریم بندھن‘ کی شوٹنگ کے دوران ہدایتکار نے موسمی سے کہا کہ وہ جوتے اتار دیں تاکہ قد کا توازن ریکھا کے ساتھ بنایا جا سکے، جس پر موسمی نے اعتراض کیا۔