دہشتگردوں کے مکمل خاتمے تک سیکیورٹی فورسز کی کارروائیاں جاری رہیں گی، صدر مملکت

صدر مملکت کی سیکیورٹی فورسز کی تعریف

اسلام آباد (آئی این پی) صدر مملکت آصف علی زرداری نے خیبر پختونخوا میں 3 مختلف کارروائیوں کے دوران 9 دہشتگردوں کو ہلاک کرنے پر سیکیورٹی فورسز کو خراج تحسین پیش کیا ہے۔

یہ بھی پڑھیں: اودھم پور میں ائیر بیس کی تباہی کی ویڈیو بھی منظرِ عام پر آ گئی

انٹیلی جنس پر مبنی کارروائیاں

ایوانِ صدر کے پریس ونگ سے جاری بیان کے مطابق صدر مملکت آصف علی زرداری نے انٹیلی جنس پر مبنی کارروائیوں کے دوران 9 دہشت گردوں کا قلع قمع کرنے پر سیکیورٹی فورسز کی بہادری کو سراہتے ہوئے کہا ہے کہ دہشت گردوں کے مکمل خاتمے تک سیکیورٹی فورسز کی کارروائیاں جاری رہیں گی۔ پاکستان کی سیکیورٹی فورسز کا بھارتی حمایت یافتہ دہشتگردوں کے خاتمے کے لیے کامیاب کارروائیاں کرنا خوش آئند ہے۔

دہشت گردوں کے مکمل خاتمے کا عزم

صدر مملکت نے کہا کہ دہشت گرد عناصر کے خاتمے اور ملکی دفاع کے لیے ہمارا عزم غیر متزلزل رہے گا۔ صدر مملکت نے دہشتگردوں کے مکمل خاتمے کے قومی عزم کا بھی اظہار کیا۔