کراچی، انٹرمیڈیٹ کے 28 مئی کو ہونے والے پرچے ملتوی

سندھ حکومت کی جانب سے اعلان

کراچی(ڈیلی پاکستان آن لائن) حکومت سندھ نے 28 مئی یوم تکبیر کے موقع پر اعلیٰ ثانوی تعلیمی بورڈ کراچی کے انٹرمیڈیٹ امتحانات ملتوی کر دیئے ہیں۔

یہ بھی پڑھیں: لاہور گیریژن پولو گراؤنڈ کے زیراہتمام 10واں بیٹل ایکس پولوکپ 2024 جاری

نئی تاریخوں کا اعلان

نجی ٹی وی چینل ہم نیوز کے مطابق، ترجمان کراچی بورڈ نے بتایا ہے کہ ملتوی کئے گئے پرچے اب 30 مئی 2025ء بروز جمعہ کو لئے جائیں گے۔ سائنس پری میڈیکل اور سائنس جنرل گروپس کے متاثرہ پرچے نئی تاریخ پر انہی اوقات میں لئے جائیں گے۔

امتحانات کے اوقات

بوٹنی پرچہ اول جو 28 مئی کو صبح 9 بجے سے 11 بجے تک ہونا تھا، اب 30 مئی کو ہو گا۔ انگلش نارمل کا پرچہ اول اور انگلش ایڈوانسڈ پرچہ اول (فیل طلبہ کیلئے) جو 28 مئی کو دوپہر 2 بجے سے شام 5 بجے تک ہونا تھا، اس کے 30 مئی کو اوقات کار سہ پہر 3 بجے سے شام 6 بجے تک ہوں گے۔ امتحانی مراکز وہی رہیں گے۔